Шавкат Мирзиёев 6 июль куни Қозоғистон биринчи президенти Нурсултон Назарбоевни туғилган куни билан табриклади.
Президент матбуот хизматининг хабар қилишича, телефон орқали мулоқотда давлат раҳабари унга мустаҳкам соғлик, бахт-саодат ва муваффақиятлар тилади.
Ўзбекистон—Қозоғистон дўстлик, яхши қўшничилик, стратегик шериклик ва иттифоқчилик муносабатларининг бугунги даражаси, кўп қиррали ҳамкорлик барча йўналишларда жадал ривожланиб бораётгани қайд этилди.
Нурсултон Назарбоев ҳақида
Қозоғистон биринчи президенти Нурсултон Назарбоев 1940 йил 6 июлда туғилган. У 1990 йил 24 апрелда Қозоғистон ССР Олий Кенгаши томонидан президент лавозимига тайинланган. 1991 йил 1 декабрда ўтказилган умумхалқ сайловларида расман президентликка сайланган ва шу билан мустақил Қозоғистоннинг биринчи президенти бўлганди. 2019 йил март ойида у истеъфога чиқди. 2021 йил охирроғида берган интервьюсида Назарбоев умуртқасини операция қилдиргани давлат раҳбари лавозимидан кетишининг сабабларидан бири эканини тан олганди.
Изоҳ (0)