Ўзбекистон президенти Шавкат Мирзиёевни Қурбон ҳайити муносабати билан хорижий давлатлар ва ҳукуматлар, нуфузли халқаро ташкилотлар ҳамда минтақавий тузилмалар раҳбарлари табриклади. Бу ҳақда Президент матбуот хизмати хабар берди.
Улар ўз қутловларида Ўзбекистоннинг кўп миллатли халқига чуқур ҳурмат билдирган ҳолда, тинчлик, фаровонлик ва равнақ тилаган. Шунингдек, дўстлик ва ўзаро манфаатли ҳамкорлик алоқаларини ҳар томонлама ривожлантиришга қатъий интилишларини таъкидлаган. Жумладан, қуйидагилар ўз табрикларини йўллаган:
- Қозоғистон президенти Қосим-Жўмарт Тўқаев;
- Қирғизистон президенти Садир Жапаров;
- Тожикистон президенти Эмомали Раҳмон;
- Туркманистон президенти Сердар Бердимуҳамедов;
- Туркман халқининг миллий етакчиси, Туркманистон Халқ маслаҳати раиси Гурбангули Бердимуҳамедов;
- Озарбайжон президенти Илҳом Алиев;
- Қозоғистоннинг биринчи президенти Нурсултон Назарбоев;
- Миср президенти Абдулфаттоҳ ас-Сиси;
- Туркия президенти Ражаб Тоййиб Эрдўғон;
- Эрон президенти Масъуд Пезешкиён;
- БАА президенти Шайх Муҳаммад бин Зоид Ол Наҳаён;
- БАА вице-президенти, бош вазири, Дубай амирлиги ҳокими Шайх Муҳаммад бин Рошид Ол Мактум;
- БАА вице-президенти, бош вазири ўринбосари, президент ишлари бўйича вазири Шайх Мансур бин Зоид Ол Наҳаён;
- БАА ички ишлар вазири Шайх Сайф бин Зоид Ол Наҳаён;
- Кувайт амири Шайх Мишъал ал-Аҳмад ал-Жобир ас-Сабоҳ;
- Қатар амири Шайх Тамим бин Ҳамад Ол Соний;
- Қатар амири ўринбосари Шайх Абдуллоҳ бин Ҳамад бин Ҳалиф Ол Соний;
- Уммон султони Ҳайсам бин Ториқ;
- Иордания подшоҳи Абдулла II;
- Жазоир президенти Абдулмажид Теббун;
- Фаластин президенти Маҳмуд Аббос;
- Ислом ҳамкорлик ташкилоти бош котиби Ҳусайн Иброҳим Тоҳа;
- Туркий давлатлар ташкилоти бош котиби Кубаничбек Омуралиев;
- Туркий давлатлар ташкилоти Оқсоқоллар кенгаши раиси Бинали Йилдирим;
- Иқтисодий ҳамкорлик ташкилоти бош котиби Асад Мажид Хон;
- Кавказ мусулмонлари идораси раиси шайхулислом Оллоҳшукур Пошшозода.
Шунингдек, Қурбон ҳайити муносабати билан қутловлар келишда давом этмоқда.
Изоҳ (0)