Давлат мустақиллигининг 32 йиллиги муносабати билан Шавкат Мирзиёев номига хорижий давлатлар ва ҳукуматлар, нуфузли халқаро ва минтақавий ташкилотлар раҳбарлари, таниқли сиёсат, жамоат ва дин арбобларидан табриклар келмоқда. Бу ҳақда Президент матбуот хизмати хабар берди.
Хорижий ҳамкорлар ўз қутловларида кейинги йилларда демократик янгиланишлар ва миллий тараққиёт йўлидаги ижтимоий-иқтисодий ислоҳотлар дастурини амалга оширишда, мамлакатимизнинг халқаро майдондаги ўрни ва обрўсини юксалтиришда эришилган улкан муваффақиятларни алоҳида қайд этган.
Таъкидланишича, яқинда бўлиб ўтган муҳим сиёсий воқеа – янгиланган конститусиянинг қабул қилингани халқ Янги Ўзбекистонни барпо этишга қаратилган ортга қайтмас ислоҳотларни сўзсиз қўллаб-қувватлаётганидан далолат. Табрикномаларда давлат раҳбарига янги муваффақиятлар ҳамда Ўзбекистон халқига тинчлик, фаровонлик ва равнақ тилаклари изҳор этилган.
Қуйидагилар ўз табрикларини йўллаган:
- Россия Федерацияси президенти Владимир Путин;
- Хитой Халқ Республикаси раиси Си Цзиньпин;
- Америка Қўшма Штатлари президенти Жозеф Байден;
- Туркия Республикаси президенти Ражаб Тоййиб Эрдўғон;
- Қирғиз Республикаси президенти Садир Жапаров;
- Тожикистон Республикаси президенти Эмомали Раҳмон;
- Туркманистон президенти Сердар Бердимуҳамедов;
- Туркманистон Миллий Кенгаши халқ маслаҳати раиси Гурбангули Бердимуҳамедов;
- Озарбайжон Республикаси президенти Илҳом Алиев;
- Қозоғистон Республикасининг биринчи президенти Нурсултон Назарбоев;
- Германия Федератив Республикаси президенти Франк-Валтер Штайнмаер;
- Франция президенти Эммануэл Макрон;
- Ҳиндистон Республикаси президенти Драупади Мурму;
- Саудия Арабистони подшоҳи Салмон бин Абдулазиз ал-Сауд;
- Бирлашган Араб Амирликлари президенти Шайх Сайф бин Зоид ал-Наҳаён;
- Миср Араб Республикаси президенти Абдулфаттоҳ ас-Сиси;
- Эрон Ислом Республикаси президенти Иброҳим Раисий;
- Венгрия бош вазири Виктор Орбан;
- Беларусь Республикаси президенти Александр Лукашенко,
- Саудия Арабистони Валиаҳди, Вазирлар Маҳкамаси Раиси Муҳаммад бин Салмон бин Абдулазиз ал-Сауд,
- Бирлашган Араб Амирликлари Вице-президенти, Бош вазири Дубай амирлиги ҳокими Муҳаммад бин Рошид ал-Мактум,
- Бирлашган Араб Амирликлари Вице-президенти, Бош вазири ўринбосари, президент ишлари бўйича вазири Мансур бин Зоид ал-Наҳаён,
- Қатар Давлати Amiri Тамим бин Ҳамад ал-Соний,
- Қатар Давлати Amiri ўринбосари Абдулла бин Ҳамад ал-Соний,
- Уммон Султони Ҳейсам бин Тариқ,
- Венгрия президенти Каталин Новак,
- Япония Императори Нарухито,
- Индонезия Республикаси президенти Жоко Видодо,
- Сингапур Республикаси президенти Ҳалима Яқуб,
- Бельгияликлар Қироли Филипп,
- Руминия президенти Клаус Вернер Йоханнис,
- Словения Республикаси президенти Наташа Пирс Мусар,
- Чехия Республикаси президенти Петр Павел,
- Фаластидан Давлати президенти Маҳмуд Аббос,
- Швейцария Конфедерацияси Федерал президенти Алан Берсе,
- Эстония Республикаси президенти Алар Карис,
- Мустақил Давлатлар Ҳамдўстлиги бош котиби Сергей Лебедев,
- Шанхай ҳамкорлик ташкилоти бош котиби Чжан Мин,
- Туркий давлатлар ташкилоти бош котиби Кубаничбек Омуралиев,
- Ислом ҳамкорлик ташкилоти бош котиби Ҳусайн Иброҳим Тоҳа,
- Иқтисодий ҳамкорлик ташкилоти бош котиби Ҳусрав Нозирий.
Қутловлар келишда давом этмоқда.
Изоҳ (0)