Apple компаниясининг Меtа Ray-Ban услубидаги ақлли кўзойнаклари 2027 йилнинг иккинчи чорагида ишлаб чиқарила бошлайди. Бу ҳақда аналитик Мин Чи Куо маълум қилди.
Кўзойнак ёрдамида фойдаланувчилар суратга тушиши, видео ёзиб олиши ва мусиқа тинглаши мумкин бўлади. Қурилма сенсорли панеллар ҳамда овозли буйруқлар орқали бошқарилади.
Кўзойнаклар турли хил рамка ва қопламаларда тақдим этилиши кутилмоқда. Apple машҳур брендлар — масалан, Оаклей ёки Ray-Ban билан ҳамкорлик қилиш масаласи ҳозирча номаълум.
Инсайдернинг таъкидлашича, қурилмага реаллик (АR) дисплейи ўрнатилмайди. Мета компанияси жорий йилнинг охиригача АR экранли кўзойнаклар чиқариши ҳисобга олинса, Appleʼнинг янги маҳсулоти бозорга чиқиши биланоқ эскирган қурилма сифатида қабул қилиниши мумкин.
Меta Ray-Ban кўзойнаклари уч хил рамка вариантида, жумладан машҳур Wаyfarer услубида тақдим этилади. Улар 12 мегапикселли камера, 1080п форматда видео ёзиш имконияти, иккита динамик, бешта микрофон ҳамда ўнг даста қисмига ўрнатилган сенсорли панел билан жиҳозланган. Қурилма тўрт соатгача зарядкасиз ишлай олади, зарядловчи ғилоф билан эса иш вақти 36 соатгача узаяди.
Мазкур моделнинг бошланғич нархи 299 АҚШ доллари бўлиб, бир йил ичида ойида унинг сотуви икки миллион донага етган.
Изоҳ (0)