Англияда қарға синган қанотини даволаган ветеринарга қайтиб келди

Англияда қарға синган қанотини даволаган ветеринарга қайтиб келгани ҳақида Independent хабар бермоқда.

Йўловчилардан бири томонидан топилган, қаноти синган қуш Порцмутдаги ветеринария клиникасига, доктор Жастин Лаврижга олиб келинган. Рентген текшируви қанот синганини тасдиқлаган, бироқ шифокор тўғри парвариш билан қуш бир неча ҳафта ичида тузалиши мумкинлигини аниқлаган. Ветеринар қарғани реабилитация учун уйга олиб кетишдан олдин қаллиғи билан маслаҳатлашган.

“Қарғани уйга олиб келсам бўладими, деб қаллиғим Саллига қўнғироқ қилдим. Аммо унинг “ҳа” дейишини билардим - иккаламиз ҳам ҳайвонларни яхши кўрамиз”, дея эслайди у.

Қушга кўпинча қарға қиёфасида тасвирланадиган келт уруш маъбудаси шарафига Морриган деб ном берилган. Патли беморни озиқлантиришда ветеринар ҳашаротлар, ерёнғоқ, помидор ва черника аралашмасидан иборат мувозанатли рацион тайёрлаган. Шу билан бирга ҳаддан ташқари овқатланишнинг олдини олиш учун порция лар миқдори қаттиқ назорат қилинган.

Икки ҳафтадан сўнг қуш бутунлай соғайиб, боғга қўйиб юборилган. Бироқ, ветеринар учун кутилмаганда, Морриган ўз қутқарувчисини кўргани унинг уйига учиб келишни давом эттирган.

“Қарғаларнинг ақл-идроки приматларникига тенглашиши ҳақида кўплаб далиллар мавжуд”, деди Лавриж.