iPhone 17 Pro Max барча Apple смартфонлари орасида энг кучли батареяга эга бўлиши кутилмоқда. Ишончли Instant Digital манбаси қурилманинг аниқ сиғими ва тахминий қувватлашсиз ишлаш вақтини маълум қилди.
Флагман 5000 мА/соатлик батарея билан жиҳозланади, бу тахминан 35 соат ёки ундан кўпроқ автоном ишлашга етади. А19 Pro чипи ва янги Qualcomm Snapdragon Х80 модеми туфайли яхшиланган энергия самарадорлиги ишлаш вақтини оширишда муҳим рол ўйнайди. Қиёслаш учун қуйида аввалги моделларнинг маълумотлари келтирилган:
- iPhone 12 Pro Max: 3687 мА/соат (гача 20 соат);
- iPhone 13 Pro Max: 4352 мА/соат (гача 28 соат);
- iPhone 14 Pro Max: 4323 мА/соат (гача 29 соат);
- iPhone 15 Pro Мах: 4422 мА/соат (гача 29 соат);
- iPhone 16 Pro Max: 4676 мА/соат (гача 33 соат);
- iPhone 17 Pro Max: 5000 мА/соат (35 соат ёки ундан ортиқ).
Instant Digital Apple ҳақидаги миш-мишлар бўйича баҳсли обрўга эга бўлса-да, у бир неча бор ҳайратланарли даражада аниқ маълумотлар тақдим этган. Унинг башоратлари орасида 2023 йилда сариқ iPhone 14 нинг чиқарилиши, iPhone 15 ва iPhone 15 Plusʼнинг орқа ойнасининг мат бўлиши, Watch Series 9 да минимал ўзгаришлар, iPhone 15 Proʼда фазовий видеони қўллаб-қувватлаш ва бошқа кўплаб маълумотлар бор. Демак унинг ички маълумотларини жиддий қабул қилиш мумкин. iPhone 17 сериясининг тақдимоти сентябрь ойида бўлиб ўтади.
Изоҳ (0)