“Вест Ҳэм” вингери Муҳаммад Қуддус Саудия Арабистонининг “Ан-Насср” клубига ўтиши мумкин. Бу ҳақда GiveMeSport нашри хабар бермоқда.
Манбага кўра, Гана терма жамоаси аъзосининг инглиз клуби билан шартномасида 85 миллион фунт стерлинг (тахминан 100 миллион евро) миқдоридаги товон пули кўрсатилган. “Ан-Насср” ёзги трансфер ойнасида ушбу суммани тўлаб, футболчини ўз таркибига қўшиб олишга тайёр.
Агар битим амалга ошса, футболчи Саудия Про Лигасида амалга оширилган энг қиммат трансферга айланиши мумкин. Ҳозирги рекорд Неймарга тегишли бўлиб, 2023 йилда “Ал-Ҳилол” бразилиялик ҳужумчини 90 миллион еврога “ПСЖ”дан харид қилган эди.
Маълумот учун, жорий мавсум Қуддус “Вест Ҳэм” сафида 27 та ўйинда майдонга тушиб, ўз ҳисобига 3 та гол ва 2 та голли узатмани ёздириб қўйган. Transfermarkt портали 24 ёшли футболчининг қийматини 50 миллион еврога баҳоламоқда. Муҳаммаднинг инглиз клуби билан шартномаси 2028 йилнинг ёзига қадар амал қилади.
Изоҳ (0)