Энг кўп пенсия маблағлари Фарғона вилоятидаги, энг кам миқдор эса Сирдарё вилоятидаги пенсионерларга тўланган.
2025 йил май ойи учун 4 млн 135 минг нафар пенсионерга жами 6 трлн 58 млрд сўм пенсия тўлаб берилди. Бу ҳақда Пенсия жамғармаси маълум қилди.
Энг кўп пенсионерлар сони Фарғона (489,4 минг нафар) ва Самарқанд (438,1 минг киши) вилоятларида, кам улуши эса Сирдарё (105, 9 минг киши) вилоятида қайд этилган. Аммо умумий ҳисобда 369,2 минг пенсионер бўлган Тошкент шаҳрига энг кўп миқдордаги — 742,4 млрд сўм пенсия маблағи тўланган.
Май ойида ҳудудлардаги пенсионерларга қуйидаги миқдорларда пенсия маблағлари тўланган:
- Қорақалпоғистон — 319,1 млрд сўм;
- Андижон вилояти — 487 млрд сўм;
- Бухоро вилояти — 390,5 млрд сўм;
- Жиззах вилояти — 196,2 млрд сўм;
- Қашқадарё вилояти — 536,8 млрд сўм;
- Навоий вилояти — 261,5 млрд сўм;
- Наманган вилояти — 405 млрд сўм
- Самарқанд вилояти — 630 млрд сўм;
- Сирдарё вилояти — 157,7 млрд сўм;
- Сурхондарё вилояти — 372,9 млрд сўм;
- Тошкент вилояти — 605 млрд сўм;
- Фарғона вилояти — 638,2 млрд сўм;
- Хоразм вилояти — 315,3 млрд сўм.
Ўзбекистонда 2025 йил 1 мартдан бошлаб пенсия ёшига етган фуқароларга пенсиялар автоматик тарзда, яъни ҳеч қандай ҳужжат талаб этмаган ҳолда ва фуқаронинг мурожаатисиз тайинлана бошланди. Бунда фуқаро шахсига оид барча маълумотлар вазирлик ва идораларнинг электрон базаларидан олинади.
Изоҳ (0)