Тошкент вилоятидаги колонияда жазо ўтаётган икки маҳкум вафот этиши, Тошкентнинг Амир Темур шоҳкўчасида “халқаро тажриба” асосида чизилган йўл чизиқлари ўчирилиши, Самарқандда катта тезликда қизил чироқдан ўтган Gentra икки пиёдани уриб юбориши — “Дарё” нашри бугун, 18 февралда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда Ёшлар тадбиркорлигини ривожлантириш жамғармаси ташкил этилади
Жамғарма кўмагида ёшларнинг камида 50 минг нафари бандлигини таъминлаш ва тадбиркорликка жалб қилиш мақсад қилинган.
Наманган, Хоразм, Фарғонада ҳаж ва умрага ноқонуний юбормоқчи бўлганлар ушланди (видео)
ДХХ ва ИИВ тезкор тадбирларида беш киши ушланиб, жиноят ишлари қўзғатилган.
Ўзбекистонда ОТМ битирувчиларини ишга жойлашиш бўйича дастур амалга оширилади
Хусусан, битирувчи ва қуйи босқич талабалари ўртасида соҳалар бўйича очиқ танловлар ўтказилиб, ғолибларни иш билан таъминлашга кўмаклашилади.
Ўзбекистон Абу-Дабида бирйўла НАТО стандартидаги учта ҳарбий техникасини намойиш қилди. Улар ҳақида нималар маълум?
Улар орасида Арслон 8х8 ва 6х6 зирҳли транспорт воситалари, шунингдек юк машинаси шассисида ўрнатилган Тўфон ўзиюрар гаубитсаси бор.
Ўзбекистонда камбағал оилаларга тадбиркорлик билан шуғулланиши учун фоизсиз ссудалар ажратилади
Аҳоли томонидан қизиқиш билдирилмаган, узоқ вақт фойдаланилмаётган ва самарадорлиги паст бўлган субсидиялар бекор қилинади.
Олмалиқдаги колонияда 21 ёшли маҳкум вафот этди
Ҳолат омбудсман томонидан назоратга олинди.
Ўзбекистон президенти ва Кувайт валиаҳди шерикликни ривожлантириш режаларини муҳокама қилди
Ташриф давомида қабул қилинган барча қарор ва келишувлар ижроси устидан биргаликда назорат ўрнатиш масаласи келишиб олинди.
Бош прокуратура Олмалиқда 21 ёшли маҳкум вафот этганига муносабат билдирди
Воқеа жойи ва мурда кўздан кечирилиб, мутасадди ходимлар ва шифокорлардан ҳолат юзасидан тушунтиришлар олинган.
Тошкент вилоятидаги колонияда жазо ўтаётган яна бир маҳкум вафот этди
Маҳкум бир қаватли бинонинг деворларини бузаётганида девор қисми қулаб, босиб қолган.
Шавкат Мирзиёевнинг Кувайтга расмий ташрифи якунланди
Ўзбекистон президентининг ушбу мамлакатга илк расмий ташрифи қандай ўтди? Асосий маълумотлар.
Тошкентнинг Амир Темур шоҳкўчасида “халқаро тажриба” асосида чизилган йўл чизиқлари ўчирилмоқда (видео)
Аввалроқ жамоатчилик вакиллари ушбу чизиқлар бўйича эътирозларини билдирганди.
Товоқсойдаги колонияда вафот этган маҳкум иши бўйича янги тафсилотлар очиқланди
Марҳумнинг отаси Бўстонлиқ туман тиббиёт бирлашмасида 5 кун давомида ўғлининг ёнида бўлган.
Самарқандда катта тезликда қизил чироқдан ўтган Gentra икки пиёдани уриб юборди (видео)
Машина дастлаб Cobalt билан тўқнашиб кетган.
Ўзбекистонда ёшга доир пенсия тайинлашда ўзгартиришлар киритилмоқда
Бу бўйича қонун лойиҳаси депутатлар томонидан қабул қилинди.
Ўзбекистонда янги турдаги молиявий ёрдамлар жорий этилади
Бу бўйича президент қарори қабул қилинди.
Шавкат Мирзиёев Туркий давлатлар ташкилоти Оқсоқоллар кенгаши раиси билан учрашув ўтказди
ТDT доирасидаги бўлажак тадбирларга тайёргарлик кўриш ва уларни ўтказиш масалалари кўриб чиқилди.
Uzagrostar Holding компанияси ташкил этилади
Айрим туманларда кичик логистика марказлари барпо этилади.
Тошкент вилояти ва пойтахтдаги 70 та иссиқхонада ностандарт қозонхоналардан фойдаланилгани аниқланди
Яна 83 таси давлат экологик экспертизасининг ижобий хулосаларини олмасдан фаолият юритаётганлиги маълум бўлди.
Айрим деҳқонларга 100 млн сўмгача субсидия ажратилади
Деҳқон хўжаликлари ва томорқа ер эгалари фаолиятини қўллаб-қувватлаш жамғармаси маблағлари ҳисобидан молиявий қўллаб-қувватлаш тартиблари жорий этилади.
Изоҳ (0)