Шимолий Корея биринчи хоними Ли Сол Чжу 17 ойдан сўнг илк бор жамоатчилик олдида пайдо бўлди. Бу ҳақдаThe South China Morning нашрига асосланиб, Lady.mail.ru хабар бермоқда.
Қайд этилишича, унинг омма олдидаги чиқиши сулола барқарорлиги образини яратишга бўлган интилишдан далолат беради. Аёл эри ва қизи билан бирга кўриниш берди.
Биринчи хоним мамлакат шарқидаги сайёҳлик ҳудудининг очилишида иштирок этди. Унинг елкасида Gucci брендига мансуб сумка бор эди.
Корея Республикаси Бирлашув тадқиқот институти етакчи илмий ходими Хон Миннинг фикрича, бу “қадам” Ким оиласи тимсолида идеал социалистик оила образини яратишга қаратилган.
Ўтган йил баҳорда оммавий ахборот воситалари Шимолий Корея президенти рафиқасининг кўринмай қолганидан хавотирга тушган эди. Ким Кон Хининг жамоат тадбирларида кўринмагани журналистларда катта ҳайрат уйғотди. Шу билан бирга, сиёсий таҳлилчилар биринчи хонимнинг тақдиридан хавотирланишга ҳожат йўқлигига ишонч билдирди: у апрель ойида бўлиб ўтиши кутилаётган парламент сайловлари арафасида юз берган бир қатор шов-шувли можаролардан сўнг жамоатчилик эътиборидан четлаштирилган эди.
Изоҳ (0)