Ли Сол Жу – Шимолий Кореянинг Кейт Миддлтоними? КХДР раҳбарининг рафиқаси қандай услубда кийинади? (фото)

Шимолий кореяликларнинг иш ҳақидан 16 баравар кўп бўлган сумкалар, инглиз герцогиняси услубидаги либос ва калта юбкалар – Ким Чен Иннинг рафиқаси қандай услубда жамият олдида кўриниш беради?

Шимолий Корея раҳбарининг турмуш ўртоғи ҳақидаги маълумотлар энг махфий маълумотлардан биридир. Албатта, кўпгина далилларни текшириш имконсиз. Ҳатто унинг неча ёшда эканлиги ҳам маълум эмас. Баъзи манбаларда у 1989 йилда туғилган ва пхенянлик ўқитувчи ҳамда шифокор оиласидан чиққан дейилади. Ва буни фақатгина уларнинг яқинларигина билади.

Ли Сол Жу Шимолий Кореяда ўрнатилган сиёсий режимнинг ҳақиқий нуридир. Ғарб оммавий ахборот воситалари унинг Ким Чен Ин билан Хитойга ташрифидан сўнг шундай қарорга келди. Биринчидан, бу Шимолий Корея раҳбарининг рафиқасининг омма олдида биринчи кўриниши – на мамлакатнинг амалдаги раҳбарининг отаси, на бобоси ўз хотинларини саёҳатга олиб борган. Иккинчидан, Корея биринчи хонимининг услуби дунёдаги энг ёпиқ мамлакатда либерализмни акс эттирди.

Кўпчилик унинг шаҳзода Уильямнинг рафиқаси Кейт Миддлтон билан кийинишдаги ўхшашлигини таъкидлади. У бир хил рангдаги ва шу каби услубдаги битта рангли костюмларни танлайди. Ўз мафкурасига эга давлат раҳбарларидан кутиш мумкин бўлган жиддийликдан қочиб, нафис кўринишга ҳаракат қилади.

Шунингдек, Шимолий Корея биринчи хонимининг Chanel ва Dior брендидаги сумкалар билан ҳам кўришган. Уларнинг нархи бир неча минг долларга тенг. Бу Шимолий Кореяда яшовчи аҳолининг ўртача иш ҳақидан 16 баравар кўп.

Шимолий Кореяда мода ҳақида гапириш қийин. Маҳаллий ишлаб чиқаришга эга бўлган ёпиқ мамлакат кенг танлов билан мақтана олмайди. Уларда илҳом оладиган жой ҳам йўқ. Аммо бу иккинчи муаммо. Биринчиси – қашшоқлик ва қийин турмуш шароитлари, унда кийим ҳақида ўйлаш қийин. Бироқ Ли шунга қарамай, кийиниш борасида баъзи эркинликларни киритди. Энди аёллар пошнали ва платформали туфлилар, шимлар ва калта юбкалар кийишлари мумкин.

Ли деярли ҳеч қандай заргарлик буюмларига мурожаат қилмайди. Фақатгина уни қора билагузук ва тўғноғичда кўриш мумкин.

Шунга қарамай, Шимолий Корея раҳбарининг турмуш ўртоғини Кейт Миддлтон ва Меган Маркл билан қанчалик қиёслаб бўлмайди.

Уларнинг миллати турлича бўлиши билан бирга, хоним ўз фуқароларига ўрнак кўрсатиб, мамлакатида ишлаб чиқарилган кийимларни кияди.