Америка Қўшма Штатларида ўтказилаётган Клублар ўртасидаги Жаҳон чемпионатининг 1/8 финал босқичи якунига етди. Турнирнинг чорак финалига йўл олган 8 жамоа номи аниқ бўлди.
Мусобақанинг чорак финал босқичида ҳар қитъанинг кучли вакиллари иштирок этмоқда. Жанубий Америкадан “Палмейрас” ва “Флуминенсе”, Европадан “Челси”, “ПСЖ”, “Бавария” ҳамда “Реал Мадрид”, Осиёдан эса “Ал-Ҳилол” чорак финалга йўл олди.
FIFA расмий жадвалига кўра, чорак финал ўйинлари 4 июлдан 5 июлга ўтар кечаси бошланади.
Чорак финал учрашувлари жадвали (Ўзбекистон вақти билан):
5 июль, 00:00
- “Палмейрас” (Бразилия) — “Челси” (Англия);
5 июль, 06:00
- “Флуминенсе” (Бразилия) — “Ал-Ҳилол” (Саудия Арабистони);
5 июль, 21:00
- “ПСЖ” (Франция) — “Бавария” (Германия);
6 июль, 01:00
- “Реал Мадрид” (Испания) — “Боруссия Дортмунд” (Германия).
Маълумот учун, мусобақа 14 июндан 13 июлга қадар АҚШда бўлиб ўтмоқда.
Изоҳ (0)