Клублар ўртасидаги Жаҳон чемпионатининг 3-туридан ўрин олган яна икки учрашув бўлиб ўтди. Мусобақанинг D гуруҳи доирасидаги сўнгги икки баҳс — “Эсперанс” – “Челси” ҳамда “Лос-Анжелес” – “Фламенго” жамоалари ўртасида кечди.
“Эсперанс” – “Челси” ўртасидаги баҳс голларга бой тарзда ўтди ва лондонликлар йирик 3:0 ҳисобида ғалаба қозонди. Учрашувдаги голларга Тосин Адарабиоё, Лиам Делап ва Тайрик Жорж муаллифлик қилди.
Гуруҳдаги иккинчи баҳсда “Лос-Анжелес” “Фалменго”га қарши майдонга тушди. Қизиқарли ва кескин курашлар остида ўтган беллашувда жамоалар 1:1 ҳисобида дуранг ўйнади. Учрашувдаги ҳисоб 84-дақиқада номинал мезбонлар томонидан очилди. Гол муаллифи — Денис Буанга. Орадан икки дақиқа ўтиб, “Фламенго” умумий ҳисобни тенг кўринишга келтириб қўйди — 1:1.
3-тур якунларига кўра, D гуруҳида “Фламенго” 7 очко билан биринчи ўринни эгаллаган бўлса, 6 очкоси бор “Челси” иккинчи поғонадан жой олди. Ҳар икки жамоа ҳам кейинг босқич масаласини ҳал қилди. “Эсперанс” (3) ҳамда “Лос-Анжелес” (1) мусобақа билан хайрлашди.
Клублар ўртасидаги Жаҳон чемпионати — 3-тур
25 июнь, чоршанба
“Эсперанс” – “Челси” 0:3
Голлар: 0:1 — Адарабиоё (45+3), 0:2 — Делап (45+5), 0:3 — Жорж (90+7).
“Лос-Анжелес” — “Фламенго” 1:1
Голлар: 1:0 — Буанга (84), 1:1 — Ян (86).
Изоҳ (0)