Клублар ўртасидаги Жаҳон чемпионатининг 1/8 финал босқичи доирасидаги навбатдаги баҳс якунига етди. АҚШнинг Майами шаҳрида жойлашган “Ҳард Rock” стадионида Германиянинг “Бавария” жамоаси Бразилиянинг “Фламенго” клубига қарши майдонга тушди ва мюнхенликлар 4:2 ҳисобида зафар қучди.
Учрашувнинг 6-дақиқасидаёқ “Фламенго” ярим ҳимоячиси Эрик Пульгар ўз дарвозасини ишғол қилиб қўйди. Орадан уч дақиқа ўтиб, “Бавария” ҳужумчиси Ҳарри Кейн ҳисобни 2:0 кўринишига олиб келди.
33-дақиқада бразилиялик ярим ҳимоячи Жерсон ҳисобни қисқартирди — 2:1. Бироқ 41-дақиқада Леон Горетцканинг жарима майдончаси ташқарисидан йўллаган зарбаси мюнхенликларнинг устунлигини яна оширди.
Иккинчи бўлимда “Фламенго” яна курашга қайтишга уриниб кўрди. 55-дақиқада Жоржиньо пенальти зарбасини аниқ амалга ошириб, ҳисобни 3:2 кўринишига олиб келди. Бироқ 73-дақиқада Ҳарри Кейн иккинчи бор рақиб дарвозасини ишғол қилиб, ўйинда дубль қайд этди ва якуний натижани белгилади — 4:2.
Мазкур ғалаба эвазига “Бавария” чорак финал йўлланмасини қўлга киритди ва ушбу босқичда Парижнинг “ПСЖ” клуби билан куч синашади.
Клублар ўртасидаги Жаҳон чемпионати
1/8 финал
29 июнь, якшанба
“Фламенго” — “Бавария” 2:4
Голлар: 0:1 — Пульгар (6, автогол), 0:2 — Ҳарри Кейн (9), 1:2 — Жерсон (33), 1:3 — Горетцка (41), 2:3 — Жоржиньо (55, пенальти), 2:4 — Ҳарри Кейн (73)
Изоҳ (0)