Клублар ўртасидаги Жаҳон чемпионатининг 3-туридан ўрин олган яна икки учрашув бўлиб ўтди. Мусобақанинг C гуруҳи доирасидаги сўнгги икки баҳс — “Окленд Сити” – “Бока Хуниорс” ҳамда “Бенфика” – “Бавария” жамоалари ўртасида кечди.
“Бенфика” ва “Бавария” ўртасидаги баҳсда португалияликлар 1:0 ҳисобида зафар қучди. Ўйиндаги ягона голни 13-дақиқада Андреас киритди. Мазкур ҳисоб ўйин якунигача сақланиб қолди ва “Бенфика” ушбу ғалаба эвазига 3 очкони қўлга киритиб, кейинги босқичга йўл олди.
Гуруҳдаги бошқа баҳс — “Окленд Сити” ва “Бока Хуниорс” ўртасидаги учрашув 1:1 ҳисобида якунланди. 26-дақиқада янги зеландиялик дарвозабон Натан Гарров автогол муаллифига айланди. 52-дақиқада эса Кристиан Грэй ҳисобни тенглаштирди. Учрашув сўнгигача бошқа голлар урилмади ва жамоалар 1 очкодан бўлишиб олди.
3-тур якунларига кўра, C гуруҳида “Бенфика” 7 очко билан 1-ўринни эгаллади, “Бавария” эса 6 очко тўплаб 2-ўринда қолди. Ҳар икки жамоа кейинги босқичга йўл олди. 2 очко тўплаган “Бока Хуниорс” ҳамда 1 очкога эга “Окленд Сити” эса мусобақани тарк этди.
Клублар ўртасидаги Жаҳон чемпионати — 2-тур
24 июнь, сешанба
“Бенфика” — “Бавария” 1:0
Гол: 1:0 — Андреас (13).
“Окленд Сити” — “Бока Хуниорс” 1:1
Голлар: 0:1 — Натан (26, автогол), 1:1 — Грэй (52).
Изоҳ (0)