Футбол бўйича Клублар ўртасидаги Жаҳон чемпионатининг учинчи ўрин учун баҳсида «Ал-Ҳилол» 12 февраль, шанба куни «Ал-Аҳли» билан баҳс олиб борди.
Учрашувнинг 8 ва 17-дақиқаларида Яссер ал-Ҳанафи дубль қайд этди. «Ал-Ҳилол» футболчилари Матеус Ферейра ҳамда Муҳаммад Кано 14 ва 28-дақиқаларда қизил карточка олиб, майдонни тарк этди. Қолган дақиқаларда «Ал-Ҳилол» 9 киши бўлиб ҳаракат қилди.
40-дақиқада Радван Абдулқодир «Ал-Аҳли»нинг учинчи голига муаллифлик қилди. 64-дақиқада эса Амр ас-Сулайя тўртинчи голни урди ва жамоасининг йирик ҳисобдаги ғалабасига ҳисса қўшди.
Шу тариқа «Ал-Аҳли» Клублар ўртасидаги Жаҳон чемпионатининг учинчи ўрнини эгаллади. «Ал-Аҳли» ярим финалда «Палмейрас»га имкониятни бой берган бўлса, «Ал-Ҳилол» «Челси»га мағлуб бўлиб, финал йўлланмасидан маҳрум бўлганди.
Клублар ўртасидаги Жаҳон чемпионати финалида «Палмейрас» Лондоннинг «Челси» клуби билан ўзаро баҳс олиб боради. Учрашув Тошкент вақти билан 21:30 да бошланади.
Клублар ўртасидаги ЖЧ—2021
Учинчи ўрин учун баҳс
12 февраль,шанба
«Ал-Ҳилол» (Саудия Арабистони) — «Ал-Аҳли» (Миср) 0:4
Голлар: 0:1 – 8 ал-Ҳанафи, 0:2 – 17 ал-Ҳанафи, 0:3 – 40 Абдулқодир Радван, 0:4 – 64 ас-Сулайя.«Ал-Ҳилал»: ал-Овайс, Абдулҳамид, Чжан Хен Су (Алжувайр, 72), ал-Муфарраж, аш-Шаҳрони (ал-Брейк, 72), Каррильо (ал-Фараж, 46), ад-Досари (Майкл Ричард, 84), Куэльяр (Жаҳфали, 46), Канно, Матеус Перейра, Марега.
«Ал-Аҳли»: Лотфи, Ҳанй (Фуад, 46), ал-Ҳанафи, Абделмонем, Маалул (Маҳмуд, 87), ас-Сулайя, Фатҳи, Денг (Солиман, 66), Абдулқодир Радван (Миквессон, 87), Шериф, Муҳаммад (аш-Шаҳат, 46).
Огоҳлантиришлар: Ҳанй (32), Муҳаммадд (45), Шериф (55), ал-Фараж (58).
Четлатиш: Матеус Перейра (14), Канно (28).
Изоҳ (0)