Футбол бўйича Клублар ўртасидаги Жаҳон чемпионатининг финал баҳсида «Челси» 12 февраль, шанба куни «Палмейрас» билан баҳс олиб борди.
Учрашувнинг биринчи 45 дақиқасида дарвозаларга тўп киритилмади ва жамоалар танаффусга 0:0 ҳисобида йўл олди.
55-дақиқада Ромелу Лукаку чап қанотдан оширилган тўпни боши билан дарвозага жойлаб, ҳисобни очди. Орадан 10 дақиқа ўтиб, Лондон клуби дарвозаси томон 11 метрлик жарима зарбаси белгиланди. Пенальтини Рафаэл Вейга аниқ амалга оширди — 1:1. Ушбу ҳисоб учрашувнинг асосий вақти якунлангунига қадар сақланиб қолди.
Шундан сўнг жамоалар қўшимча бўлимларга мурожаат қилди. 117-дақиқада «Челси» пенальти тепиш имкониятига эга бўлди ва уни Кай Ҳаверц муваффақиятли амалга оширди.
Шу тариқа Европа Чемпионлар Лигаси ғолиби «Челси» Жанубий Америкасида тенгсиз бўлган «Палмейрас»ни енгиб, клублар ўртасидаги Жаҳон чемпионати ғолибига айланди.
Клублар ўртасидаги ЖЧ—2021
Финал баҳси
12 февраль,шанба
«Челси» Англия – «Палмейрас» Бразилия 1:1
Голлар: 1:0 – 55 Лукаку, 1:1 – 64, пенальти Рафаэл Вейга, 2:1 – 117, пенальти Ҳаверц.«Челси»: Менди, Аспиликуэта, Тиаго Сильва, Рюдигер, Кристенсен (Сарр, 90), Ковачич (Зиёш, 90), Канте, Маунт (Пулишич, 31), Ҳаверц, Лукаку (Вернер, 76), Ҳадсон-Одои (Сауль, 77).
«Палмейрас»: Уэвертон, Маркос Роша (Дейверсон, 118), Гомес, Луан, Пикерес, Скарпа, Зе Рафаэл (Жаилсон, 60), Данило, Рафаэл Вейга (Атуэста, 78), Рони (Весли, 77), Дуду (Рафаэл Наварро, 103).
Огоҳлантиришлар: Весли (105), Луан (115), Атуэста (116), Ҳаверц (118).
Четлатиш: Луан (120).
Изоҳ (0)