Клублар ўртасидаги Жаҳон чемпионати 1/8 финал босқичида “Манчестер Сити” ва “Ал-Ҳилол” жамоалари ўртасида ўйин бўлиб ўтди. Голларга бой ва муросасиз кечган баҳсда Саудия Арабистонининг “Ал-Ҳилол” клуби инглизларнинг “шаҳарликлар” жамоасини 4:3 ҳисобида мағлуб этиб, чорак финал йўлланмасини қўлга киритди.
Учрашувнинг 10-дақиқасида Англия клубининг ярим ҳимоячиси Бернарду Сильва ҳисобни очди. Иккинчи бўлим бошида “Ал-Ҳилол” ҳужумчиси Маркус Леонардо ҳисобни тенглаштирди. Орадан саккиз дақиқа ўтгач, Малком саудияликларни олдинга олиб чиқди.
55-дақиқада “шаҳарликлар” ҳужумчиси Эрлинг Ҳоланд гол уриб, ҳисобни яна тенглаштирди. Асосий вақт 2:2 ҳисобида якунланди.
Қўшимча бўлим бошида “Ал-Ҳилол” яна олдинга чиқди — бу сафар голни ҳимоячи Калиду Кулибали киритди. 104-дақиқада Фил Фоден ҳисобни учинчи бор тенглаштирди. Орадан кўп ўтмай, Маркус Леонардо яна гол уриб, жамоасининг тўртинчи ва ғалаба голини “Сити” дарвозасига йўллади. Шу тариқа, “Ал-Ҳилол” муҳим ғалабага эришди ҳамда турнирнинг кейинги босқичга йўл олди.
Ўзбекистонлик ҳимоячи Абдуқодир Ҳусанов захирада қолдирилди.
Клублар ўртасидаги Жаҳон чемпионати
1/8 финал
1 июль, сешанба
“Манчестер Сити” — “Ал-Ҳилол” 3:4
Голлар: 1:0 — Сильва (9), 1:1 — Леонардо (46), 1:2 — Малком (52), 2:2 — Ҳоланд (55), 2:3 — Кулибали (94), 3:3 — Фоден (104), 3:4 — Леонардо (112)
Изоҳ (0)