Клублар ўртасидаги Жаҳон чемпионати доирасидаги навбатдаги учрашув якунланди. 1/8 финал босқичида Италиянинг “Интер” клуби Бразилиянинг “Флуминенсе” жамоасига 0:2 ҳисобида мағлуб бўлди.
Баҳс АҚШнинг Шарлотта шаҳридаги “Bank Of America” стадионида бўлиб ўтди. Учрашувнинг 3-дақиқасида Ҳерман Кано ҳисобни очган бўлса, 90+3-дақиқада Эркулес жамоасининг иккинчи голини киритиб, якуний натижани ўрнатди.
Шу тариқа, “Флуминенсе” жамоаси чорак финал йўлланмасини қўлга киритди. Бразилия клуби ушбу босқичда Саудия Арабистонининг “Ал-Ҳилол” клубига қарши майдонга тушади.
Клублар ўртасидаги Жаҳон чемпионати
1/8 финал
30 июнь, душанба
“Интер” — “Флуминенсе” 0:2
Голлар: 0:1 — Кано (3), 0:2 — Эркулес (90+3)
Изоҳ (0)