Ота-оналар томонидан эмлашга лоқайдлик, эмлашга қарши тилхат ёзиб бериш ҳолатлари бор. Бу ҳақда Санитария-эпидемиологик осойишталик ва жамоат саломатлиги хизмати бошлиғи ўринбосари Ботир Қурбонов маълум қилди, дея хабар бермоқда “Дарё” мухбири.
Ботир Қурбоновнинг алоҳида таъкидлашича, баъзилар антивакцина тарғиботига берилувчанлиги ёки бўлмаса вакцина таркибида ёд нарсалари борлиги ҳақидаги гапларга ишониб, фарзандини эмлатмайди.
Натижада эмланмаган фарзандларни юқумли касалликлар: қизилча, қизамиқ, паротит ва бошқа касалликлар билан касалланиш ҳолатлари, минг афсуски, учраб турибди.
Вакциналар Ўзбекистонни ўзида ҳам тажрибадан ўтказилган. Миллий эмлаш бўйича алоҳида техник гуруҳ ташкил қилинган. Олимлар томонидан мамлакатимизга олиб келинаётган вакциналарни ЖСТ томонидан верификация қилинганлигига аниқ ишонч ҳосил қилингандан сўнг миллий эмлаш календарига киритилиши кўрсатиб ўтилган
Ўзбекистонга олиб келинаётган вакциналар фарзандларимиз учун 100 фоиз безарар ва касалликни ҳимоя қилиши тўғри ташкил этилган, деди Санэпидқўмита мулозими.
Унинг алоҳида таъкидлашича, Ўзбекистон қонунчилигида болани ўз вақтида эмлатмагани учун ота-она ёки уларни ўрнини босувчилар учун ҳеч қандай чора белгиланмаган.
Ҳар бир болани ва уларнинг ота-оналарини ҳуқуқлари бор. Ҳуқуқни муҳофаза қилувчи органлар билан биргаликда эмланмаганларга қонуний чора кўриш бўйича ишлар кўриб чиқилмоқда, деди Ботир Қурбонов.
У ўз нутқида болаларнинг неча фоизи эмланмаётгани ва бунинг ортидан қандай салбий оқибатлар келиб чиқаётганига тўхталмаган.
Изоҳ (0)