Ўзбекистонда 21 август куни COVID-19 га қарши 74 236 доза вакцина қўлланди, деб хабар бермоқда Соғлиқни сақлаш вазирлиги. Шундан 40 257 доза биринчи босқичда, 26 525 доза иккинчи босқичда ва 7 454 доза учинчи босқичда қўлланган.
Шу кунгача Ўзбекистонда жами 12 750 044 доза вакцинадан фойдаланилган бўлиб, улардан 1-босқичда эмланганлар 8 929 405 нафарни, 2-босқичда эмланганлар 2 810 310 нафарни, 3-босқичда эмланганлар 1 010 329 нафарни ташкил қилди. Шу кунгача тўлиқ эмланган фуқаролар эса 1 479 304 нафарни ташкил қилмоқда.
Кеча эмлаш кўрсаткичлари бўйича юқори ўринларни:
- Наманган вилояти (18 696 доза),
- Фарғона вилояти (17 939 доза),
- Тошкент шаҳри (9 822 доза) банд қилди.
- Фарғона вилоятида 1 490 809 доза,
- Наманган вилоятида 1 487 392 доза,
- Андижон вилоятида 1 363 541 доза,
- Самарқанд вилоятида 1 221 290 доза,
- Қашқадарё вилоятида 1 060 433 дозани ташкил қилмоқда.
Соғлиқни сақлаш вазирлиги маълумотларига кўра, мамлакатга сўнгги марта 14 август куни Франциядан 276 480 доза AstraZeneca вакцинаси олиб келиниб, Ўзбекистонга келтирилган жами вакцина миқдори 14 миллион 856 минг 540 дозага етганди. Эмлаш жараёнида «Спутник V», AstraZeneca, ZF-UZ-VAC 2001 (ўзбек—хитой) ва Moderna вакциналаридан фойдаланилмоқда.
19 август куни Санитария-эпидемиологик осойишталик ва жамоат саломатлиги хизмати бошлиғи ўринбосари Ботир Қурбонов вакциналар билан таъминот етарли даражада қилинганини таъкидлаганди.
Мавзуга доир:
- Ўзбекистондаги вазирлик ва идоралар раҳбарлари қайси турдаги вакцина билан эмлангани ҳақида маълумот берилди
- Қандай ҳолларда тиббий ниқоб тақмаслик мумкин? Мутахассис жавоб берди
- Ўзбекистонда ишлаб чиқарилган ўзбек-хитой ва «Спутник V» вакциналари давлат рўйхатидан ўтказилади
- Ўзбекистонда вакцинациянинг салбий оқибатларидан ҳимояланишга қаратилган суғурта хизмати мавжуд экани маълум қилинди
Изоҳ (0)