24/7 дўконлар тармоғи оператори Lawson Токионинг Минато туманида харидорлар хатти-ҳаракатларини таҳлил қилиш ва ташриф буюрувчилар учун маҳсулот тавсияларини бериш учун сунъий интеллектдан фойдаланадиган янги дўкон очди. Дўконнинг ўзига хос хусусияти робот-ошпазлардир.
Lawson ўзининг янги тизимида КДДИ Cорп. рақамли технологияларидан фойдаланган. Ушбу технологияларни ўрганиб чиққандан сўнг, компания уларнинг самарадорлигини баҳолайди ва уларни иложи борича яхшилаш чораларини кўради. Кейин Lawson тизимни бутун мамлакат бўйлаб ўз дўконларига тарқатиш имкониятини кўриб чиқади.
Товарлар жавонларида рақамли нарх белгилари ўрнатилган, шунингдек, сунъий интеллектли кузатув камералари шифтга ва бошқа жойларга ўрнатилган. Сунъий интеллект тизими камералар ёрдамида маҳсулотга ишончи йўқ ёки аллақачон сотиб олган харидорни аниқлаганида, рақамли нарх ёрлиғида маҳсулотнинг машҳурлик рейтинги ёки ушбу маҳсулот учун чегирмалар ҳақидаги маълумотлар кўрсатилади.
Ўз-ўзига хизмат кўрсатиш кассаларида харидорларга дўкон ходимининг аватари хизмат кўрсатади. Дўкон, шунингдек, ичимликлар солинган оғир қадоқларни дўкон бўйлаб ҳаракатлантиришга ёрдам берадиган робот ва янги тайёрланган маҳсулотларни тайёрлаш учун автоматик ошпазлик роботи билан жиҳозланган.
Изоҳ (0)