Гонгконгга тропик циклон — Вифа тўфони ёпирилди. Табиий офат сабаб расмийлар мактабдаги дарслар ва юзлаб рейсларни бекор қилди. Бу ҳақда The Guardian хабар берди.
20 июль соат 10:00 ҳолатига кўра, тўфон Гонконгдан 60 километр жануби-шарқда ҳаракатланмоқда. Шаҳарнинг шарқий қирғоқларида улкан тўлқинлар кузатилаётгани маълум қилинган. Метеорологик обсерваториянинг таъкидлашича, ҳозирда шамолнинг ўртача тезлиги соатига 118 километр ва ундан юқори. Мутахассислар шаҳарда 10-даражали огоҳлантириш эълон қилиб, тайфун “Гонгконг учун сезиларли хавф” туғдиришини билдирган.
Тўфон хавфи сабаб қўшни Хитойнинг Хайнан ва Гуандун провинциялари ҳам шай ҳолатга келтирилган. 20 июлга ўтар кечаси тўфон Макао ва Чжухай шаҳарлари томон йўл олган. Прогноз қилинишича, бўрон ғарбга ҳаракатланишда давом этиб, шу ҳафта охирида Вьетнамга етиб боради.
Гонконг аэропортининг маълум қилишича, ноқулай об-ҳаво туфайли 500 га яқин рейс бекор қилиниб, 400 га яқин парвоз кечиктирилган.
Изоҳ (0)