Саффир-Симпсон шкаласи бўйича бешинчи тоифага кирувчи “Отис” довулининг Мексика орқали ўтиши оқибатида камида 27 киши ҳалок бўлди.
Бу ҳақда жамоат хавфсизлиги ва фуқароларни ҳимоя қилиш вазири Роза Исела Родригес маълум қилди.
“Герреро штати мерияси хабарларига кўра, 27 киши ҳалок бўлган ва тўрт нафар бедарак йўқолган, биз вазиятни назоратга олишга ҳаракат қиляпмиз”, — деди у матбуот анжуманида.
“Отис” тўфони кечаси Акапулко шаҳри яқинига етиб келди. Қайд этилишича, тўфон вақтида шамолнинг максимал тезлиги 75 м/с га етган.
Октябрь ойи бошида Тайванда “Коину” тўфони туфайли 100 га яқин рейслар бекор қилиниб, мактаблар ёпилган, бир қатор округларда муассасалар иши тўхтатилган ва паром қатнови чекланганди.
Изоҳ (0)