Гонконг ҳукумати “Саола” супертўфони яқинлашаётгани сабабли хавфдан огоҳлантириш даражасини Т3 даражага кўтаришга қарор қилди.
Шаҳар метеорология обсерваториясининг маълумотларига кўра, сув сатҳи ва шамол тезлиги Гонконгга “Мангхут” тўфони келган 2018 йилдан буён энг юқори даражага етиши мумкин.
Ҳозирда супертайфун шаҳардан 360 км узоқликда жойлашган ва 10 км/соат тезликда яқинлашишда давом этмоқда. Унинг радиуси тахминан 180 км, шамолнинг тезлиги эса 63 м/с га этади. Саола 1 сентябрь оқшомида ва 2 сентябрь куни эрталаб шаҳарга яқинлашиши кутилмоқда.
Расмийларнинг таъкидлашича, тўфон хавфи даражаси жума куни кечқурун маҳаллий вақт билан соат 02:00 дан 05:00 гача Т8 даражасига кўтарилади. Расмийлар, шунингдек, шаҳарнинг паст-баланд ҳудудларида сув тошқини хавфи борлигидан огоҳлантирмоқда, сув сатҳи 2018 йилдан бери рекорд даражага етиши кутилмоқда.
Аҳолидан сув спорти билан шуғулланмаслик, зарурат бўлмаса, уйдан чиқмаслик, кучли шамолдан эҳтиёт бўлиш сўралади. Кемаларга зудлик билан махсус жойларда паноҳ топишга кўрсатма берилди.
Изоҳ (0)