Корея ярим оролининг жанубий қисмига етиб келган “Канун” тўфони 452 та рейснинг бекор қилинишига сабаб бўлди. Бу ҳақда “Yonhap” агентлиги хабар бермоқда.
Жанубий Корея бўйлаб 10 август куни 2138 та рейс режалаштирилган эди. Инчхон халқаро аэропортида 1048 та рейсдан 145 таси бекор қилинган ёки кечиктирилган. “Канун” тўфони маҳаллий вақт билан соат 09:20 да мамлакат жанубий қирғоқларига етиб борди, у бутун ярим оролдан ўтиши кутилмоқда. Кеча 9 август куни 200 дан ортиқ рейслар бекор қилинган эди.
Президент Юн Сок Ёл 9 август куни расмийларга табиий офат натижасида йўқотишлар ва моддий зарарни минималлаштириш учун “барча мавжуд ресурсларни жалб қилиш” бўйича топшириқ берди.
8 август куни тўфон яқинлашгани сабабли Жанубий Корея ҳукумати Чолла Пукто провинциясидаги лагердан “Жамбори” жаҳон скаутлари йиғилишининг 36 мингга яқин иштирокчисини эвакуация қилганди.
Изоҳ (0)