Америкалик қўшиқчи Бритни Спирс ижтимоий тармоқларда яқинда Леннон Лондон исмли қизчани асраб олгани сабабли яна она бўлганини маълум қилди, деб хабар беради НУР. КЗ.
Хонанда ўз Instagram саҳифасида кутилмаган баёнот бериб, шляпа ва пушти комбинезонда рақсга тушаётгани акс этган навбатдаги видеони эълон қилди. Видеонинг тавсифида Бритни бир вақтнинг ўзида бир нечта мавзуларга тўхталиб ўтди. Шундай қилиб, хонанда узоқ вақтдан бери машқ қилмаганини тан олди, шунинг учун у пушти комбинезон кийган. Бундан ташқари, Спирс обуначиларидан “чиқиндили Америка” ҳақида ёзишни тўхтатишни сўради, чунки у “Италияга кўчиб ўтишга” қарор қилган. Ушбу постда хонанда қиз фарзанд асраб олиб, она бўлганини ҳам маълум қилган.
“Сизга шуни маълум қилмоқчиманки, мен ажойиб қизни асраб олдим! Унинг исми Леннон Лондон Спирс”, деб ёзди ижрочи.
Айтганча, Бритни бошқа ҳеч бир нашрида асраб олиш мавзусига тўхталмаган. Бритни ушбу псотдан олдин қўшиқчи Майли Сайруснинг расмини ҳеч қандай изоҳ қўймасдан жойлаштирган, кейин эса ўзининг селфи суратини эълон қилган.
Шуни қўшимча қиламизки, Бритни Спирс икки ўғилнинг онаси — Шон Федерлайн (2005) ва Жейден Федерлайн (2006). Аммо онанинг бир неча бор қонунни бузгани сабабли, 2007 йилда болалар васийлиги раққос ота Кевин Федерлайнга топширилди.
Изоҳ (0)