Жаҳон киноси ва мусиқасидаги қариндош машҳурлар (фото)

Бугунги мақолада қариндошлик ришталари билан боғланган жаҳонга машҳур юлдузлар ҳақида бир нечта мисолларни тўплашга қарор қилдик. Ушбу юлдузларнинг оилаларида бир вақтнинг ўзида бир нечта оила аъзоси ўз соҳасида муваффақият қозонган. Балки, истеъдод уларнинг қонида бордир?

Руни Мара ва Кейт Мара

2005 йилда Руни Мара унинг опаси Кейт ишлаётган “Шаҳар афсоналари: қонли Мери” номли фильмда ўзини эпизодик ролда синаб кўрган. Бу воқеа Руни ҳаётида катта бурилишга сабаб бўлди. Кейт Мара эса синглиси актриса бўлишига илҳом берган.

Эмма Робертс ва Жулиа Робертс

Кўпчилик мухлислар ушбу актрисалар шунчаки бир хил фамилияга эга деб ҳисоблаб келган, лекин улар аслида яқин қариндошдир. Эмма Робертс Жулиа Робертснинг жияни бўлади. “Америка даҳшатли фильми” ни суратга олиш майдончасида холаси билан кўп вақт ўтказган Эмма Жулиа Робертс изидан боришга қарор қилган.

Бритни Спирс ва Жейми Линн Спирс

Бритни Спирсдан ҳам яхшироқ қўшиқчи фақат унинг синглиси Жейми Линн Спирс бўлиши мумкин. Опасининг ижодига ҳавас қилган Жейми Линн ҳозирда бир нечта қўшиқлар муаллифидир. Бироқ у кўпинча опаси Бритнининг соясида қолишини тан олади.

Майли Сайрус ва Долли Партон

Кантри мусиқаси маликаси Долли Партон нафақат Майли Сайруснинг устози, балки чўқинтирган онаси ҳамдир. Майли Сайрус Долли ижодини тинглаб катта бўлган ва ундан кўплаб ҳаётий сабоқлар олган. Хонандалар бир вақтда саҳнага чиққанда улар биргаликда ажойиб дуэтлар ижро этади.

Жейк Жилленҳол ва Мегги Жилленҳол

Кинематографлар оиласида дунёга келган болалар тақдири олдиндан белгилаб қўйилган эди. Гарчи дастлаб ака-ука Жейк ва Мегги актёр бўлишни истамаган ва бошқа мутахассисликни танлаган бўлса-да, кейинчалик фикрини ўзгартирган.

Бен Аффлек ва Кейси Аффлек

Ўсмирлик пайтида ака-ука доимий равишда кастингларда йиқилиб келган. Муваффақиятсизликлардан бир неча йил ўтгач, Кейси Аффлек ва ниҳоят фильмга таклиф этилди ва акасининг ҳам ушбу соҳага киришига йўл очилди.