Машҳурлар доим ҳамманинг эътиборида бўлади. Ё папараццилар бурчакдан суратга олади ёки мухлис тасодифий олинган кадрни ижтимоий тармоқларга жойлаштиради. Баъзан ушбу фотосуратларда биринчи қарашда шунчаки замонавий аксессуар бўлиб кўринадиган заргарлик буюмларини кўриш мумкин. Аслида эса бу буюмларда махфий ишора яширинган ёки биз тасаввур ҳам қила олмайдиган даражада маъно бўлади.
Бритни Спирс
Сем Асгари ва Бритни Спирс 2021 йилнинг сентябрида, танишганидан тахминан 5 йил ўтиб унаштирилган. Хонанданинг бармоғидаги «Арслон» деб номланган никоҳ узуги эътиборни тортади. Бу сўз узукнинг ички қисмига ўйилган ва эри уни шу лақаб билан чақиради.
Шая Лабаф
Шая отасига бўлган меҳрини жуда ғалати тарзда ифодалайди. Унинг бўйнидаги тилла рамкада буюртма асосида тайёрланган кулон бор. Унда актёр Жеффри Крейг Лабафнинг родео масхарабози сифатида қўлда чизилган кичкина сурати акс эттирилган.
Меган Фокс
Меганнинг турмуш ўртоғи МГК бир ярим йиллик танишувдан сўнг, 2022 йил январь ойида унга турмуш қуришни таклиф қилди. Актрисанинг никоҳ узуги жуда ғайриоддий, у 2 та йирик тошдан иборат.
«Одатда узукда битта тош бўлиши кераклигини биламан. Лекин бзи 2 тошли узук дизайнини яратдик. Зумрад — унинг тошидир, туғилган санаси бўйича Меганга мос келади. Олмос — менинг марваридим. Улар бир қалбнинг икки ярми каби боғланади, севгимиз рамзи бўлган юракни ташкил қилади», — дейди МГК.
Кейт Миддлтон
Кейтнинг никоҳ узуклари дизайни ғояси оила тарихидан илҳомланганини кам одам билади. 1840 йилда, уларнинг тўйи арафасида шаҳзода Алберт қиролича Викторияга сапфир брошини совға қилади. Мазкур безак шаҳзода Чарльзни малика Диана учун никоҳ узугини танлашда илҳомлантирган. Мазкур заргарлик буюмлари кўринишидан бир хил, чунки иккаласи ҳам олмос доирага ўралган катта сапфирдан иборат.
Кейинчалик бу узук Диананинг ўғли шаҳзода Уильямга мерос бўлиб қолди. Ва у узукни ўша пайтдаги қайлиғи —Кейт Миддлтонга совға қилади.
Жонни Депп
1990 йилларда Жонни машҳур заргарга бош суяги шаклидаги узук ва унинг 3 та нусхасига буюртма берган. Нусхалар Деппнинг дўстлари учун мўлжалланган эди: Игги Поп, Жим Жармуш ва Жонатан Шоу. Тўрт дўст маълум бир клубга асос солган ва узуклар унга аъзоликни билдирган.
Қизил тошли кумуш узукдаги ҳар бир белги актёр учун чуқур рамзий маънога эга. 3 — унинг севимли рақами. Узукнинг тескари томонида жойлашган сўроқ белгиси 1997 йилда Деппнинг ўзи томонидан суратга олинган «Жасур» фильмига ишора бўлиб, актёрнинг ҳаёт мазмунини излашини англатади.
Голливуд юлдузининг фикрича, ҳаёт бир қатор саволлардан иборат ва биз фақат уларга жавоб топиб яшашимиз мумкин.
Меган Маркл
Машҳур спорт тадбирига Меган 2 та — битта кичик олмос ва битта каттароқ олмос билан безатилган узук тақиб келган. Бу турли соҳаларда бир-бирини қўллаб-қувватлайдиган аёлларнинг рамзи. Бундай заргарлик буюмларини тақиш билан боғлиқ ҳаракат «Жимжилоқ билан ваъдалашиш» деб номланади. Меган шу тариқа аёллар бирдамлигига ишора қилади.
Қирол Чарльз III
Қиролнинг ўн йиллар олдинги ва бугунги суратига қарасангиз, унинг кичкина бармоғига доим тилла узук тақиб юришини кўришингиз мумкин. Бу муҳрли узукни кўпинча «жентлмен узук» деб аташади. Бундай безак инсоннинг оилавий меросининг рамзи ёки унинг ижтимоий мавқейини кўрсатиши мумкин.
Муҳрли узук анъанавий равишда қўлнинг кичик бармоғига тақилади. Айтганча, монарх никоҳ узугига билан бирга бошқа узук ҳам тақади.
Кейт Уинслет
Леонардо Ди Каприо ва Кейт Уинслетнинг дўстлигига ҳамма ҳавас қилади. Аммо улар биргаликда суратга тушган «Инқилобий йўл» фильмида Лео актрисага ажойиб тилла узук совға қилганини кўпчилик билмайди.
Унда махсус ўймакор нақш бўлиб, Кейт бу нима эканлигини ҳеч кимга айтмайди. Актриса доим никоҳ узуги билан биргаликда Ди Каприонинг совғасини тақиб юради.
Изоҳ (0)