Америкалик таниқли хонанда Бритни Спирс ўзининг Instagram саҳифасида PageSix ва US Sun нашрларининг британиялик қўшиқчи Чарли ХCХ билан янги альбом тайёрлаётгани ҳақидаги миш-мишларни рад этди ва у ҳеч қачон мусиқа саноатига қайтмаслигини айтди.
“Аниқроқ бўлиши учун, янгиликларнинг аксарияти ёлғондир. Мусиқани завқ ва бошқалар учун ёзаман. Охирги икки йил ичида бошқалар учун 20 дан ортиқ қўшиқлар ёздим. Мен гострайтерман (бошқа биров учун ёзувчи муаллиф) ва бу менга жуда ҳам ёқади”, — дейди Спирс.
Шунингдек, хонанда 2023 йилнинг октябрида нашрдан чиққан The Woman In Me (“Мендаги аёл”) мемуар китобининг рухсатсиз чоп этилгани ҳақидаги миш-мишларга ҳам ойдинлик киритиб кетди ва бу ҳақиқатга тўғри келмаслигини айтди.
Бритни Спирснинг пости чиқишидан олдин PageSix ва US Sun нашрлари хонанда Чарли ХCХ ва америкалик қўшиқчи Майклс Жуллиан билан биргаликда ўнинчи альбоми устида ишлаётгани ҳақида хабар берган эди.
Изоҳ (0)