Машҳур ҳамкасблари орқали танишган юлдузли жуфтликлар (фото)

Юлдузли жуфтликлар қандай қилиб танишиб қолган бўлиши мумкин? Бир фильмда суратга тушиш, бирга қўшиқ куйлашдан ташқари машҳур дўстлари туфайли тасодифан танишиб, жуфтликка айланган юлдузлар ҳам талайгина. Марҳамат, улар билан танишинг.

Ник Жонас ва Приянка Чопра

Дуэйн Жонсон Приянка билан 2017 йилда «Малибу қутқарувчилари» фильмида роль ижро этган. Ўша йили «Жуманжи»да Ник билан ҳам бирга ишлаган. 2018 йил Entertainment Tonight нашрига берган интервьюсида у бахтли жуфтлик яратиш учун масъул эканлиги ҳақида ҳазил билан айтиб ўтган. «Мен буни уддалай олдим, агар улар бахтли бўлса», — дейди актёр.

Кортни Кокс ва Жонни Макдэйд

2014 йил «Х» альбоми ёзилиши жараёнида «Дўстлар» картинасида иштирок этган актриса Кортни Ширанга Малибудаги уйида бепул яшашига рухсат берган. У уйда яшаш вақти унинг дўсти «Snow Patrol» гитарачиси Жонни Макдэйд альбом учун ёрдам берган ва шу тарзда актриса билан танишиб қолган. «У бизни учраштиргани учун миннатдормиз», — дейди Кортни.

Тэйлор Свифт ва Кельвин Харрис

Элли Голдингнинг The Sun’га берган интервьюсида: «Кельвин ажойиб дўст ва яхши одам. Тэйлор ҳам менинг яқин қадрдоним. Уларнинг иккиси ажойиб жуфтлик бўлади, деб ўйлаган эдим. Афсуски, Тэйлор ва Кельвин ҳеч ўйламаган тарзда ажрашди», — дея маълум қилган.

Жо Жонас ва Софи Тернер

2016 йилда Хейли Стейнфилд «DNCE» гуруҳи билан ҳамкорликда «Rock Bottom» таронасини чиқарган, унинг таркибида Жо Жонас ҳам бор эди. Шундан сўнг Софининг ўзи Хейли билан боғланиб, Жонинг рақамини сўраган. Хейли бу ҳақда шундай дейди: «Софидан Жо ҳақида гапириб бер, мазмунидаги хабарни олдим ва қани олға дедим».

Хлои Кардашьян ва Тристан Томпсон

Тристан Instagramдаги саҳифасида баскетболчи ҳамкасби Брендон Женнингс уни Хлои билан таништирганини тасдиқлаган: «Айтганча, қирол ва маликани учраштирганинг учун ташаккур! Сени яхши кўраман», дея изоҳ қолдирган.

Жон Красински ва Эмили Блант

«Ушбу муносабатлар учун Энн Хэтэуэйга миннатдорлик билдиришимиз керак. Жуфтлик актриса томонидан уюштирилган учрашувда танишган. Жон буни бир кўришда муҳаббат эканлигини тан олган: ‘Мен чиндан ҳам муносабатлар изламаган вақт эди. Аммо мен у билан учрашдим ва уни севиб қоламан, деб ўйладим. Унинг қўлларини ушлаб, менга ёқасан дея олдим».

Меган Трейнор ва Дэрил Сабара

Жуфтликнинг учрашувига Хлоя Грейс Морец сабабчи бўлган. Дўсти Дэрил, албатта, Меганга ёқиши ва келажакда ажойиб жуфтлик бўлишини олдиндан сезган.

Женнифер Энистон ва Жастин Теру

Роберт Дауни Женнифер ва Жастинни таништиришга муваффақ бўлган. Актёр уларнинг бир-бирини бир қарашда ёқтириб қолганини қўшимча қилган.

Жош Гробан ва Кэт Деннингс

Кэт ва Жош узоқ йиллар давомида дўст бўлган. Аммо Бет Берс: «Мен ҳар доим унга муносиб қиз топишни хоҳлар эдим, аммо Кэтнинг ҳаётида бошқаси бор эди. Шунинг учун уларни бирлаштиришнинг имкони бўлмаган. Кўп вақт ўтмай иккиси ҳам бир вақтда ёлғиз қолди», — дейди.

Стэнли Туччи ва Фелисити Блант

2006 йилда Эмили Блант Стэнли билан ишлаганидан сўнг опасини у билан таништирган. Орадан 6 йил ўтиб, Стэнли ва Фелисити турмуш қурган.