Катта шаҳарда ҳар доим кўп имкониятлар мавжуд бўлса-да, бундан фойдаланиш кўпчиликнинг қўлидан келавермайди. Бундан ташқари, кўплаб машҳурлар муваффақият чўққиларига эришиш учун шаҳарда туғилиш шарт эмаслигини шахсий ҳаёти билан исботлаган.
Меган Фокс
Гўзал Меган Голливуддан узоқда — Теннесси штатидаги Оак Риж шаҳрида давлат назоратчиси оиласида туғилганига қарамай, рақсга бўлган муҳаббати бўлажак актрисани аввал телевидениега, кейин эса кинога етаклайди. Унинг биринчи ролларидан бири Меган опа-сингиллар Ольсен билан бирга ўйнаган «Қуёшли таътил» фильми эди.
Бритни Спирс
90 йиллар юлдузи кичкина Кентвуддаги шахсий уй музейига эга. Гап шундаки, қўшиқчи болалигини айнан шу жойда ўтказган ва мусиқа чўққиларига кўтарилишни бошлаган.
Крис Пратт
Крис Пратт супермаркетда ишлайдиган оддий кассирнинг ўғли бўлган, аммо шон-шуҳрат йўлида нафақат официант бўлиб ишлаш ва фургонда яшаш, балки бир мунча вақт бутунлай уйсиз қолишга мажбур бўлган ҳақиқий юлдузга айланди. Актёр Виржиния провинциясида ўтказган қайғули ўтмишига қарамай, бугунги кунда Голливуднинг энг истиқболли юлдузларидан бири ҳисобланади.
Мерил Стрип
Афсонавий Мерил Стрип Нью-Жерси штатидаги Саммит номли шаҳарчада рассом ва фармацевт оиласида туғилган. Кейинчалик оила бир неча бор кўчиб юришга мажбур бўлади. Шундай бўлса ҳам «Оскар» соҳибаси болалигини ҳаётидаги энг яхши вақт деб атайди.
Тэйлор Свифт
Тэйлор Свифт Пенсильвания штатининг Ваёмиссинг шаҳридаги Рождество дарахти фермасида ўсган. Айнан ўша ерда, чексиз арча ўрмонларида бўлажак вокалчи ўз қўшиқларини ёзишни бошлайди ва кейин уларни маҳаллий жойларда ижро этади.
Лейтон Мистер
«Ғийбатчи» фильми юлдузи Лейтон Мистер Техасдаги федерал қамоқхонада туғилган, унинг онаси ўша ерда жазо ўтаган. Бўлажак актриса болалигининг кўп қисмини Флорида штатидаги Марко оролида ўтказган, у ерда бобоси ва бувиси қўлида тарбияланган. 11 ёшидагина у Нью-Йоркда ўзининг ажойиб карьераси бошланган жойга келади.
Ченнинг Татум
Голливуднинг супер юлдузи бўлишдан олдин Ченнинг Татум Алабама штатидаги Кулмен шаҳрида туғилган ва у ерда 6 ёшигача яшаган.
Деми Мур
45 000 кишилик Розуэлл шаҳри нафақат яқин атрофга қулаган учар ликопча ҳақидаги шаҳар афсонаси, балки айнан шу ерда «Арвоҳ» култ фильмининг юлдузи дунёга келгани билан бутун дунёга машҳур. Актрисанинг ўзи бундай жойда болалиги унинг бутун келажагига кучли таъсир кўрсатган деб ҳисоблайди: Деми бу ерда ўзининг характерини жиловлаб, ҳаёт қийинчиликларига қарши туришни ўрганган.
Шарлиз Терон
«Иблиснинг адвокати» юлдузи Жанубий Африка фермасида туғилиб ўсган. Ферма ишчилари билан мулоқот қилиб, бўлажак Голливуд юлдузи нафақат инглиз тилини, балки 26 хил Африка лаҳжаларини ҳам ўзлаштиради. Актрисанинг ёввойи табиатда ўтказган болалиги кейинчалик унинг ҳайвонлар ҳуқуқлари фаоли бўлиш истагига катта таъсир кўрсатади.
Томми Ли Жонс
Қурғоқчил Техаснинг қоқ марказида жойлашган миттигина Сан-Саба шаҳри машҳур актёр Томми Ли Жонснинг туғилган жойи ҳисобланади. Оддийгина келиб чиқишига қарамай, Томми нафақат Голливуд юлдузига айланди, балки санъат бакалаври даражаси билан Гарвардни муваффақиятли тамомлади.
Изоҳ (0)