Америкалик поп-хонанда Бритни Спирс ўзининг Instagram саҳифасида уйига ўғри тушгани ҳақида хабар қолдирди. Юлдузнинг сўзларига кўра, эндиликда у фақат арзон заргарлик буюмларини харид қилади.
Маълум бўлишича, ўғрилар хонадондаги барча заргарлик буюмларини олиб кетган ва бу Бритнига қимматга тушган. Айниқса, ўмариб кетилган буюмлар орасида Бритни учун жуда қадрли бўлган ва тўрт ёшидан бери тақадиган хоч бор эди.
Хонанда ҳолат юзасидан полицияга мурожаат қилмасликни маъқул кўрди. Бундан кейин у қимматбаҳо заргарлик буюмларини сотиб олишдан бош тортди. Чунки бундай ҳолат яна юз бериши мумкин.
“Ўғирланган тақинчоқларимнинг бир қисми мен учун махсус яратилган эди. Энди эса болалигимни ёдга солувчи хочим ҳам йўқ. Ҳозирда бирор янги нарса сотиб олишдан қўрқиб қолдим”, — деб ёзади хонанда.
Аввалроқ Лос-Анжелес Олий судида америкалик поп-юлдуз Бритни Спирс ва унинг отаси Жейми Спирс ўртасидаги суд иши якунланганлиги, хонанда васийлик ва молиявий эркинликка чиққани ҳақида хабар берилган эди.
Изоҳ (0)