Арманистон собиқ президенти Серж Саргсянга ўта йирик миқдорда пора олиш ва тадбиркорлик фаолиятида ноқонуний иштирок этиш бўйича айблов эълон қилинди. Бу ҳақда “Спутник Арманистон” хабар берди.
Коррупцияга қарши кураш қўмитасига кўра, Саргсян 2000—2018 йилларда Арманистон мудофаа вазири, бош вазири, президенти лавозимларида қонун билан тақиқланган бўлса-да, тадбиркорлик билан шуғулланган.
Бундан ташқари, у ишончли шахслар орқали тижорат компанияларини ташкил этиш ва уларни бошқаришда иштирок этиш учун хизмат мавқейидан фойдаланганликда гумон қилинмоқда. Саргсян таниши орқали Арарат вилоятида битум ишлаб чиқарувчи завод қурилишида қатнашган.
У компания акциялари кўринишида пора олганликда ҳам айбланмоқда. Дастлабки тергов якунига етган, Саргсяннинг иши айблов хулосаси билан Арманистон Коррупцияга қарши кураш судига жўнатилган.
Изоҳ (0)