Armaniston sobiq prezidenti Serj Sargsyanga o‘ta yirik miqdorda pora olish va tadbirkorlik faoliyatida noqonuniy ishtirok etish bo‘yicha ayblov e’lon qilindi. Bu haqda “Sputnik Armaniston” xabar berdi.
Korrupsiyaga qarshi kurash qo‘mitasiga ko‘ra, Sargsyan 2000—2018-yillarda Armaniston mudofaa vaziri, bosh vaziri, prezidenti lavozimlarida qonun bilan taqiqlangan bo‘lsa-da, tadbirkorlik bilan shug‘ullangan.
Bundan tashqari, u ishonchli shaxslar orqali tijorat kompaniyalarini tashkil etish va ularni boshqarishda ishtirok etish uchun xizmat mavqeyidan foydalanganlikda gumon qilinmoqda. Sargsyan tanishi orqali Ararat viloyatida bitum ishlab chiqaruvchi zavod qurilishida qatnashgan.
U kompaniya aksiyalari ko‘rinishida pora olganlikda ham ayblanmoqda. Dastlabki tergov yakuniga yetgan, Sargsyanning ishi ayblov xulosasi bilan Armaniston Korrupsiyaga qarshi kurash sudiga jo‘natilgan.
Izoh (0)