Туркиянинг “Истанбул Башакшеҳир” клуби матбуот котиби Гохан Йилмаз Россиянинг Спорт-Экспресс нашрига берган изоҳида жамоа “ЦСКА” футболчиси Аббосбек Файзуллаев қизиқаётгани ҳақидаги хабарларга муносабат билдирди.
Манбага кўра, истанбулликлар ҳозирча Файзуллаевни сотиб олиш ҳақида ўйлагани йўқ:
“Мен жамоамиз скаутлари билан боғландим. Улар ҳозирча бу борада ҳеч қандай маълумот йўқ эканлигини билдиришди,” — деди Йилмаз Спорт-Экспресс нашрига.
Эслатиб ўтамиз, ўтган мавсум Аббосбек Файзуллаев эса “ЦСКА” сафида 39 та ўйинда майдонга тушиб, ўз ҳисобига 3 та гол ва 8 та ассист ёздириб қўйган. Унинг москваликлар билан шартномаси 2026 йилнинг ёзига қадар амал қилади. Transfermarkt портли футболчининг қийматини 8 миллион еврога баҳолаган.
Эслатиб ўтамиз, аввалроқ ОАВда ўзбекистонлик футболчига “Башакшеҳир” қизиқиш билдиргани борасида хабарлар тарқалган эди.
Изоҳ (0)