O‘zbekiston milliy terma jamoasi va Moskvaning “SSKA” klubi vingeri Abbosbek Fayzullayev faoliyatini Turkiya Superligasida davom ettirishi mumkin.
Jurnalist Ertan Syuzgyunga ko‘ra, futbolchi Istanbulning “Bashakshehir” klubidan taklif olgan.
Maʼlumot uchun, Fayzullayev o‘tgan mavsumda “SSKA” safida 39 ta o‘yinda qatnashib, 3 ta gol urgan va 8 ta golli uzatma muallifi bo‘lgan.
Avvalroq, Eldor Shomurodovga ham Istanbulning “Bashakshehir” klubi jiddiy qiziqish bildirayotgani haqida xabar berilgandi. Shomurodovni Turkiyaning boshqa nomdor klublari — “Galatasaroy”, “Fenerbahche”, “Beshiktosh” va “Trabzonspor” ham o‘z safiga qo‘shib olishni istamoqda. Ammo aynan “Bashakshehir” o‘zbekistonlik futbolchi bilan shartnoma imzolashga eng yaqin turibdi.
Izoh (0)