Бред Питт ва Анжелина Жолининг тўнғич қизи Шайло ўзининг исм-фамилиясидан воз кечди. Ғарб ОАВларига кўра, эндиликда у янги тахаллусдан фойдаланмоқда.
Май ойида Шайло Лос-Анжелесда бўлиб ўтган Исабелле Марантънинг капсула коллекцияси тақдимотига ташриф буюрди. Тадбирда Милла Ёвович, Элисон Бри, Женюари Жонс, Рейчел Билсон каби машҳурлар ҳам иштирок этди.
Шайли тадбирда меҳмон сифатида эмас, балки хореограф сифатида иштирок этди. У шоу учун рақс саҳнасини тайёрлашда бир нечта қизларга ёрдам берди. Шайло билан бирга саҳнада Тако Suzuki ва Кеони Роуз каби машҳур хореографлар чиқиш қилди.
Кўргазма муносабати билан журналистларга тақдим этилган пресс-релизларда Шайло тўлиқ исми билан эмас, балки “Шай Жоли” тахаллуси билан кўрсатилган. Унинг исми расмий ҳужжатларида ҳам ўзгартирилганми ёки тахаллус сифатида фойдаланганми, ҳозирча номаълум.
Аммо бундан аввал 2024 йилнинг май ойида, 18 ёшга тўлган куни Шайло расмий равишда отасининг фамилиясидан воз кечган эди. Суд қарорни имзолаганидан сўнг, унинг тўлиқ исми расман Шайло Нувел Жоли бўлган. Маълумотларга кўра, у бундай кескин қарорга келишига отаси билан ҳеч қайси жабҳада боғланишни истамагани сабаб бўлган.
Эслатиб ўтамиз, Бред Питт ва Анжелина Жоли саккиз йил давомида ажрим жараёнида судлашган. Бу вақт ичида улар бир неча бор бир-бирларини айблашган ва болалар устидан васийлик учун курашган. Жолининг сўзларига кўра, Питт унга ва болаларга нисбатан шафқатсиз муносабатда бўлган.
Шайлонинг қарорини унинг барча опа-укалари қўллаб-қувватламоқда. Масалан, Шайлонинг опаси Заҳара 2023 йил охирида коллежда аёллар жамияти маросимида ўзини “Заҳара Марли Жолиэ” деб таништирилган эди. Жуфтликнинг яна бир қизи Вивиен ҳам 2024 йилда Бродвейдаги Тhе Оutsiders спектаклида фақат Жоли фамилияси билан иштирок этган.
Изоҳ (0)