Россия Ташқи ишлар вазирлиги америкалик миллиардер Илон Маскка сиёсий бошпана бериш сўровини олди. Бу ҳақда Давлат думаси вице-спикери Владислав Даванков хабар берди.
Даванковнинг сўзларига кўра, вазирликдан жавоб бир ой ичида келиши керак.
Менимча, Илон Маск хатоларга йўл қўйган, аммо бу хатоларни кечира олиш керак. Агар бу амалга ошмаса ҳам, биз уни доимо кутамиз. Технологик ёндашуви ва келажакни кўра билиш салоҳияти билан у жуда зўр инсон, деди депутат.
Маълумот учун, июнь ойида бошида АҚШ президенти Дональд Трамп ва миллиардер Илон Маск ўртасида зиддият юзага келган эди. Бунга Маск давлат харажатларини қисқартириш бўйича янги қонун лойиҳасини танқид қилгани сабаб бўлган. Миллиардер бу ташаббусни “жирканч” деб атаган ҳамда иқтисодиёт учун салбий оқибатларга олиб келишини айтган.
Трамп эса бундай танқидлардан хафалигини билдирган. У Илон Маск қонун лойиҳасидан жуда яхши хабардорлиги, тадбиркор электромобиллар учун имтиёзлар бекор қилинаётгани сабаб норози бўлаётганини таъкидлаган. Бунга жавобан Маск АҚШ президентини ёлғончиликда айблаганди.
Кейинчалик миллиардер президент ҳақидаги бир нечта постлари учун узр сўраб, “ҳаддан ошиб кетганини” тан олган. Америка етакчиси, ўз навбатида, Маскнинг узрларини “жуда самимий” деб атаганди.
Изоҳ (0)