Сўнгги ўн йилликларда миллиардерларнинг бойлиги мисли кўрилмаган даражада ошди. 2005 йилда Microsoft асосчиларидан бири Билл Гейтс 46,5 миллиард доллар бойлиги билан дунёдаги энг бой одам ҳисобланган. Энди бу унвон Tesla раҳбари Илон Маскка тегишли. Маскнинг бугунги бойлиги тахминан 368 миллиард долларни ташкил этади.
GoBankingRates нашри Маск ўз бойлигини ҳаммага улашса нима бўлишини тахмин қилди.
АҚШ Аҳолини рўйхатга олиш бюроси маълумотларига кўра, АҚШ аҳолиси тахминан 341 миллион кишини ташкил этади — бу кўрсаткич бўйича АҚШ фақат Ҳиндистон ва Хитойдан ортда қолмоқда.
Агар Маскнинг 368 миллиардлик бойлиги АҚШнинг барча аҳолиси ўртасида тенг тақсимланганида, ҳар бир киши тахминан 1079 доллардан олган бўларди.
Агар бу Ер юзидаги ҳар бир инсонга тааллуқли бўлса, сайёрамиз аҳолиси 8 миллиарддан сал кўпроқни ташкил этади, ҳар бир киши атиги 46 доллардан олган бўларди.
Астрономик миқдорларга қарамай, миллиардерлар бойлигининг катта қисми акциялар, кўчмас мулк ва бошқа активлардан иборат. Фақат кичик улуш нақд пул кўринишида сақланади.
Маск Tesla акцияларининг 12 фоизига эгалик қилади ва ҳали ҳам компаниянинг 1,15 триллион долларлик энг йирик акциядори бўлиб қолмоқда. Шунингдек, у бошқа активларни ҳисобга олмаганда, SpaceX компаниясининг 42 фоизига ва хAI стартапининг 54 фоизига эгалик қилади.
Изоҳ (0)