Эрон биринчи марта оғир, узоқ масофали, икки босқичли “Сежжил” ракеталаридан фойдаланиб, Исроил нишонларига зарба берди. Бу ҳақда Ислон инқилоби қўриқчилари корпусига (ИИҚК) таяниб Tasnim хабар берди.
Маълум қилинишича, 18 июнь куни кечаси “Ҳақиқий ваъда 3” операцияси доирасида Исроилга қарши жавоб зарбаларининг 12-тўлқини амалга ошган. Ҳужум олдидан Эрон исроиллик муҳожирларни босиб олинган ҳудудлардан қочишга чақирган. ИИҚК аввалги ҳужумларда яҳудий давлатининг ҳаво ҳужумидан мудофаа тизимлари йўқ қилинганини таъкидлаган.
Эндиликда босиб олинган ҳудудлар осмони Эрон ракеталари ва дронлари учун очиқ. Ракета зарбалари аниқ, таъсирли ва узлуксиз бўлади, худди кеча Исроил разведкалари штаби, қирувчи базалари нишонга олингани каби.
ИИҚК қўмондони дўзах эшиклари сизга очилиши ҳақида огоҳлантирган эди. Ҳаво-космик кучларнинг ракеталари сизга ер ости бошпаналаридан ташқарида бир дақиқа ҳам бўлиш имконини бермайди. Неча кундан бери қуёш нурини кўрмаяпсиз, дейилади ИИҚК баёнотида.
Шунингдек, баёнотда ҳаво ҳужумидан тревога сиреналарининг овози бир лаҳза ҳам тинмаслиги таъкидланган.
Сизлар ё бошпаналарнинг дўзахий ҳаётида секин ўлишни танлашингиз ёки 24 соатлик ракета зарбаларидан қутулиш учун ота-боболарингиз босиб олган ерлардан иложи борича тезроқ қочиб кетишингиз керак. Шундагина омон қолишингиз мумкин, дейилади баёнотда.
Ижтимоий тармоқларда Эроннинг учирган “Сежжил” ракетаси акс этган кадрлар эълон қилинди. У ҳавода ўзидан ғайриоддий из қолдирганини кўриш мумкин.
Исроил мудофаа армияси 13 июнь куни Эронга қарши операция бошлади ва унинг мақсади Теҳроннинг ядровий дастурини йўқ қилиш деб атади. Эрон Исроил ҳужумига жавобан унинг шаҳарларига ракета ва дронлар билан зарба бера бошлади. Камида 24 киши ҳалок бўлди, юзлаб одамлар яраланди. Эронда эса қурбонлар сони 270 дан ошади.
Изоҳ (0)