Ўзбекистоннинг энг йирик савдо тармоғи бўлган “Korzinka” ўзининг биринчи dark store — омбор-дўкони очилишини эълон қилди.
Дўкон-омбор 15 000 турдаги маҳсулотларни жойлаштириш имконини беради. Бу Ўзбекистонда озиқ-овқат ва уй маҳслотлар бўйича энг йирик таклифдир.
Янги dark store очилиши июнь ойи охирида Тошкентда ишга туширилган “Korzinka Go” онлайн-супермаркети ривожланишининг мантиқий давомидир.
Dark storeънинг оддий супермаркетдан асосий фарқи — ушбу дўкон-омбор фақатгина етказиб берувчилар билан ишлашга мўлжалланган.
Dark storeъни анъанавий харидорсиз супермаркет деб аташимиз мумкин. Аниқроқ айтадиган бўлсак, барча харидлар масофадан туриб амалга оширилади. Dark storeъларнинг кўриниши бир вақтнинг ўзида омбор ва оддий дўконни эслатади. У ерда харидорлар ўрнига фақатгина махсус ходимлар бўлади, улар сизнинг буюртмангизни тўплайди ва етказиб бериш учун юборади.
Омбор-дўкон ёрдамида маҳсулотларни тўплаш жараёнини оптималлаштириш, буюртмаларни етказиб беришни тезлаштириш ва хатолар хавфини камайтириш мумкин.
Биринчи навбатда, ушбу формат мижозга ўз вақтини тежаш имконини беради. Керакли барча маҳсулотларни смартфон ёрдамида танлашингиз ва тўғридан тўғри уйингизнинг эшигигача етказиб беришни буюртма қилишингиз мумкин.
Буюртма бериш тартиби иложи борича соддалиштирилган. Хизматдан фойдаланиш учун шунчаки Korzinka Go иловасини юклаб олишингиз, керакли маҳсулотларни танлашингиз ва етказиб бериш манзилини кўрсатишингиз талаб этилади.
Омбор-дўкон Korzinka тизимига тўлиқ интеграция қилинган бўлиб, етказиб бериш ва қисқа сақлаш муддати бўлган маҳсулотлар билан ишлаш жараёнлари оптималлаштирилган.
Бундай дўконларнинг хусусиятларидан бири — махсус “омбор” тузилишидир. Бу курерларга йиғиш жараёнини оптималлаштиришга имкон беради (оғир товарлардан мўрт товарларга), “жавондан танлашни” соддалаштиради, буюртма йиғиш йўлида тирбандлик пайдо бўлиш хавфини камайтиради.
Бундан ташқари, dark storeъда гўшт ва товуқ маҳсулотларини вакуумлаш, мева ва сабзавотларни олдиндан қадоқлаш каби технологиялари қўлланилади.
Маҳсулотлар жавонларга яроқлилик муддати бўйича жойлаштирилган бўлиб, иш жараёни ва маҳсулотларнинг яроқлилик муддати қаттиқ назоратга олинади.
Таъкидлаб ўтиш лозимки, dark store — бу оддий омбор эмас, балки пухта ўйланган замонавий тизимга асосланган омбор. Барча жараёнлар махсус технология ёрдамида бошқарилади. Dark store майдони маҳсулотларни сақлаш шароитларига қараб зоналарга ажратилади. Korzinka Go курерлари учун ишлаб чиқилган илова мижозлар учун илова билан синхронлаштирилган, дўконда қўлланиладиган омбор тизими эса буюртма йиғувчиларни тўғри тақсимлаш, етишмовчилик ва қайта саралаш муаммоларини олдини олишга қаратилган.
“Бугун биз Ўзбекистон халқига биринчи dark storeъимизни тақдим этишдан хурсандмиз. Бу дўкон-омбор Korzinka Go онлайн-супермаркетини янада қулай қилиб, ҳар бир оила учун харид қилиш жараёнини осонлаштиришга йўналтирилган. Бу қадам мижозларимизнинг вақтини тежашга қаратилган “одатдагидан яхши” тамойилимизнинг муҳим бир қисмидир”, — деб изоҳ берди Korzinka супермаркетлар тармоғи асосчиси ва кузатув кенгаши раиси Зафар Ҳошимов.
“Дўконимиз электрон озиқ-овқат чакана савдосининг халқаро стандартларига тўғри келиши учун жамоамиз билан бир неча ой давомида ишладик. Бу шунчаки омборхона эмас, балки онлайн супермаркетимизнинг муҳим бир қисмидир. У ёрдамида биз бу йил идеал буюртмалар улушини 90 фоизгача оширишни режалаштиряпмиз”, — деди Korzinka Go директори Константин Нечаев.
Дўкон-омборлар 15 минг турдаги товарларга мўлжалланган ҳолда мамлакатдаги энг йирик таклиф ҳисобланади.
Korzinka Go онлайн-супермаркети иловасини ушбу ҳавола орқали юклаб олинг ва ижтимоий тармоқлардаги саҳифаларида янгиликларни кузатиб боринг.
Instagram: @korzinkago
Telegram: ҳттпс://т.ме/KorzinkaГо
Компания ҳақида:
Korzinka – 1996 йилда ташкил этилган Ўзбекистондаги энг йирик ва етакчи супермаркетлар тармоғи. Айни пайтда компания таркибига мамлакатнинг 11 та ҳудудида 115 та дўкон киради: Korzinka супермаркетлари, Смарт уй ёнидаги дўконлари, Korzinka Дисконт, Korzinka Бизнес B2B улгуржи савдо дўкони ва иккита Dark Storeъга эга бўлган Korzinka Go онлайн-супермаркети.
Реклама ҳуқуқи асосида.
Изоҳ (0)