Машҳурлар қандай қилиб кўп пул ишлашни ҳамда уларни сарфлашни ҳам билади. Бироқ улар орасида тежамкорликдан дарс оладигани ҳам бор. Бугунги қаҳрамонлар ҳам худди шундай. Улар арзон кийимлар сотиб олади. Сотувчилардан чегирмалар сўрайди, жамоат транспортидан фойдаланади ҳамда арзон машиналар минади.
Киану Ривз
Голливуд актёри Киану Ривз пулни умуман аямайди, бироқ бу харид қилиш ёки ўйин-кулги масаласига тегишли эмас. У ҳалол ишлаб топган нарсасини хайрияга сарфлайди ва ўзига унча кўп маблағ сарфламайди. Киану Ривзни замонавий Робин Гудга қиёсласа бўлади.
Женнифер Лоуренс
Актриса Женнифер Лоуренс уйда мазали таом истеъмол қилишни афзал кўради, чегирмали товарларни сотиб олади ва унинг гаражида қимматбаҳо спорт машиналари ўрнига оддий Volkswagen ва Chevrolet автомобиллари бор. Женнифер Лоуренс ҳисобидаги миллионлаб долларни айтмаганда оддий, ўртаҳол яшайдиган актриса.
Леонардо Ди Каприо
Маблағини тежайдиган инсонлар қаторида шахсий оролига эга бўлган инсоннни кўриш ғалати. Шунга қарамасдан, Леони кўп маблағ сарфлайдиган инсон деб бўлмайди. Голливуд актёри Леонардо Ди Каприо табиатни асровчи юлдузлардан бири ҳисобланади, у пулини қимматбаҳо кийимлар ва машиналарга сарфламайди. Бироқ у хайрия учун пулни аямайди, актёр ҳайвонларни қутқариш учун маблағ ажратади.
Кира Найтли
Кира Найтли ҳар томонлама оддий инсонларга яқинроқ бўлишга ҳаракат қилмоқда, актрисанинг топаётган маблағи билан бу ишни бажариш қийин эмас. Голливуд актрисаси ўзига ойлик лимит қўйган, у бу миқдордан кўп пул сарфламайди.
Кристиан Бэйл
Кристиан Бэйл ўзи ижро этган Бетмен образидан фарқли ўлароқ, ҳашаматли ҳаётга интилмайди, у миллион долларлаб маблағини хайрия ишларига сарфлайди. Унинг учун яхши ҳаёт — уйи, овқат, сув ва яқин инсонларининг борлиги. “Агар уйимга ўғри бостириб кирса, йиғлаб юборади”, — деб ҳазиллашади актёр. У кинодаги фаолияти давомида “Оскар” мукофотини қўлга киритган.
Женнифер Гарнер
Женниферга бойлик керак эмас, у бозордан маҳсулот сотиб олади ва энг оддий дўконлардан кийинади. У кўчаларда ҳамроҳсиз юради ва қимматбаҳо машиналардан кўра велосипедни афзал кўради.
Сара Жессика Паркер
Дунёга машҳур актриса Сара Жессика Паркер эри — актёр Меттью Бродерик ва уч фарзанди билан жуда камтарона яшайди. Бойлиги 100 миллион долларга яқин бўлишига қарамай, исрофгарчиликка йўл қўймаслиги болалиги билан боғлиқ: у катта оилада ўсган, унинг ҳаёти, жумладан, озиқ-овқат, уй-жой ва кийим-кечак тўғридан тўғри ижтимоий нафақаларга боғлиқ эди. Шунинг учун актрисанинг болалари учун кийимларни каттадан кичикка ўтказиш одатий ҳол. Эр-хотин нарсаларни ҳам, пулни ҳам тежаб ишлатади.
Рене Зеллвегер
Ҳамма севадиган “Брижит Жонс” ҳашаматга иштиёқи баланд бўлмаган Голливуд юлдузининг ажойиб намунасидир. Рене Зеллвегер уй-рўзғор ишларини ўзи қилади. Мисол учун, у электр энергиясини истеъмол қилишни назорат қилади, супермаркет ва ихтисослаштирилган дўконларда чегирмали харидларни ўтказиб юбормайди. Бундай тежамкорлик туфайли у банд бўлмаган иш жадвалига қарам бўлмаслик учун саёҳатга бориши мумкин. Актрисанинг сўзларига кўра, бахт буюмларда эмас, балки оддий ҳаётнинг ҳақиқатан ҳам гўзал бўлган кичик нарсаларида.
Изоҳ (0)