Хонанда Жастин Бибер ва унинг рафиқаси Хейли Бибернинг мухлислари уларнинг яширинча ажрашганига ишонмоқда. Бу ҳақда Daily Mail нашри турли далилларни жамлади.
Интернет фойдаланувчилари 28 ёшли Хейлининг ижтимоий тармоқларда турмуш ўртоғини Халқаро оталар куни билан табрикламаганини пайқади. Жастин эса ҳануз ноодатий, ҳатто тажовузкор характерга эга ғалати постлар жойлаштиришда давом этмоқда.
Ажрим ҳақидаги миш-мишларни кучайтирган яна бир омил Хейлининг миллиард долларлик шартномасидир. У ўзининг Rhode номли косметика брендини Elf Beauty компаниясига сотди. Биберлар яшайдиган Калифорния штати умумий мулк қонунлари амал қиладиган ҳудуд ҳисобланади. Бу дегани, никоҳ даврида орттирилган барча актив ва қарзлар тенг тақсимланади.
Ижтимоий тармоқ фойдаланувчилари машҳур жуфтликнинг ажралгани ҳақидаги тахминларга турлича муносабат билдиришган:
“Биберга ёрдам керак, Хейли эса боласи билан уни тарк этиши керак”.
“Бечора йигит, унга шифокор кўриги камлик қилмайди”.
“Хейли барибир Жастинга муносиб эмас, у жуда мафтункор аёл”, деб ёзади фойдаланувчилар.
Жастин Бибер ва Хейли Бибер (олдинги фамилияси — Болдвин) замонавий шоу-бизнеснинг энг машҳур жуфтликларидан бири ҳисобланади. Улар илк бор 2009 йилда танишган, аммо муносабатлари 2016 йил атрофида жиддий тус ола бошлаган. Бир неча бор ажрашиб, яна ярашган бу жуфтлик 2018 йил сентябрь ойида тўсатдан Манхеттен суди биносида никоҳдан ўтган. Кейинчалик 2019 йил 30 сентябрда улар 500 минг доллар сарф этилган дабдабали тўй маросимини ўтказган.
-pymHTxA8.avif)
Аммо 2024—2025 йилларда жуфтлик атрофида совуқлик аломатлари сезила бошлади. Ижтимоий тармоқларда Хейлининг Жастинни муҳим саналарда табрикламагани, бирга камроқ кўринаётгани ва ҳатто баъзи тадбирларда ёлғиз қатнашаётгани мухлислар ва оммавий ахборот воситаларининг диққатини тортмоқда. Лекин Жастин ҳам, Хейли ҳам бу миш-мишларга расмий изоҳ бермаган. Уларнинг айрим сўнгги суратларда барибир бирга кўрингани, Хейлининг ҳамон никоҳ узуги тақиб юргани сабабли айримлар бу тахминларни асоссиз деб ҳисоблайди.
Изоҳ (0)