Америкалик қўшиқчи Жастин Бибер ва унинг рафиқаси Ҳейли ўғил фарзандли бўлди. Ушбу қувончли хабарни хонанда ўзининг Instagram саҳифасида маълум қилди ва “Хуш келибсиз, Жек Блюз Бибер” дея фото остида изоҳ қолдирди:
Жастин турмуш ўртоғи саломатлигини тиклаб олиши ва унинг тинчлигини таъминлаш учун бир муддат санъатдан танаффус эълон қилди.
Ҳейли Бибернинг фарзанд кутаётгани ҳақидаги хабар май ойида маълум бўлган эди. Бу вақтда Ҳейли ҳомиладорликнинг олтинчи ойини ўтказаётган эди. Ҳомиладорликнинг сўнгги кунларигача мухлислар қиз ёки ўғил туғилиши масаласи устида кўплаб баҳслашди, юлдузлар эса биринчи кунданоқ боланинг жинси ва исмини сир тутиб ўтирмади.
Модель она бўлиш арафасида кўплаб фотоссесияларда иштирок этар ва суратлар туфайли унинг фарзанд кутаётгани ҳақида доим миш-мишлар юрар эди.
Жастин Бибер ва Ҳейли Болдуин 2018 йилда турмуш қурган. Бир йил ўтгач, 2019 йил 30 сентябрда эр-хотин яқин дўстлари ва қариндошлари учун тўй маросимини ўтказиб берган.
Тўйдан сўнг модел тезроқ фарзандли бўлишни орзу қилишини айтган эди:
“Мен болаларни жуда яхши кўраман ва тез орада ўзимнинг ҳам фарзандларим бўлишини истайман”, деган эди Ҳейли Vogue нашрига берган интервьюсида.
Изоҳ (0)