Навоийга 42 та замонавий Yutong автобуси олиб келинди, деб хабар бермоқда Транспорт вазирлиги.
Қайд этилишича, давлат раҳбарининг 2023 йил 16 февралдаги қарорида белгиланган вазифалар ижроси доирасида Навоий шаҳрида аҳолига сифатли жамоат транспорти хизмати кўрсатишни йўлга қўйиш бўйича тегишли чоралар кўрилмоқда.
1-босқичда жорий йилнинг апрель ойида Хитойдан олиб келинган 18 дона замонавий автобуснинг “Навоий” автовокзали–вилоят Автойўл бошқармаси ва Тинчлик қўрғони-Малика автостанцияси йўналишида брутто-шартнома асосида қатнови йўлга қўйилган эди.
2-босқич доирасида куни кеча вилоятга 42 дона Yutong автобуси олиб келинди. Мазкур автобуслар Кармана тумани маркази ва Навоий шаҳри барча кўчаларини қамраб олувчи йўналишларда ҳаракатланиши ташкил этилади.
Сўнгги ойларда ҳудудларга олиб келинган автобуслар
Май ойида Бухорога Хитойдан 24 дона Zhongtong автобуси харид қилинди. Яна 12 та шундай автобус июнь якунига қадар етиб келади. Урганч шаҳрига Хитойдан 30 дона Zong Tong русумли замонавий автобус олиб келинди. Март ойида Хитойнинг Zhongtong Bus компаниясида ишлаб чиқарилган 30 та замонавий автобус Наманганга етиб келди. Ангренга 15 та Yutong автобуси олиб келинди.
Хитой компанияси Қорақалпоғистон жамоат транспорти инфратузилмасини модернизация қилишда иштирок этишни режалаштирмоқда.
Изоҳ (0)