Бухорога 24 дона замонавий Zhongtong автобуслари харид қилинди, деб хабар бермоқда Транспорт вазирлиги.
Қайд этилишича, ҳудудларда аҳолига кўрсатилаётган жамоат транспорт хизматлари сифатини яхшилаш мақсадида замонавий ҳаракат таркиблари (янги автобусларни) олиб келиш ишлари давом этмоқда.
Бухоро вилоятда йўловчи ташиш фаолияти билан шуғулланувчи “Прогресс мега транс” корхонаси жорий йилнинг январь ойида Хитойнинг Zhongtong Bus Holding Cо., Ltd. компанияси билан 24 дона замонавий автобус харид қилиш бўйича шартнома имзолаган эди.
Биринчи босқичда автобуслардан 12 донаси жорий йилнинг 27 май куни Бухоро шаҳрига олиб келинди. Қолган 12 та автобус июнь ойининг якунига қадар етиб келади.
Ангренга 15 та Yutong автобуси олиб келинганди. Зоир Мирзаев 2024 йил октябрида ўтказган ҳокимлик соатида Тошкент вилоятида транспорт соҳасидаги хизматларни яхшилаш учун 1000 та янги автобус харид қилиш бўйича топшириқ берганди.
Транспорт вазирлиги матбуот хизматининг билдиришича, ҳудудларда аҳолига кўрсатилаётган транспорт хизматлари сифатини яхшилаш мақсадида замонавий автобусларни олиб келиш ишлари давом этмоқда. Тошкент шаҳрига яна 1000 та Yutong автобусини олиб келиш имкониятлари ўрганилмоқда. Андижон вилоятига Хитойдан 100 та электробус харид қилиниши режалаштирилган.
- Наманганга хориждан яна 30 та янги автобус олиб келинди.
- Гулистон шаҳри учун 12 та янги автобус олиб келинди.
Ўзбекистонда 113 та янги йўналиш, шу жумладан 56 та автобус йўналиши очилгани маълум қилинди. 2024 йилнинг ўзида ҳудудларда тадбиркорлар 700 та автобус ва 530 дан ортиқ микроавтобус сотиб олди. 2025 йилнинг январь апрель ойларида эса ҳудудларга яна 241 та автобус ва 133 та микроавтобус олиб келинди.
Изоҳ (0)