Орқа суянчиғи созланадиган қулай ўриндиқлар, портфеллар учун сиғимли жавонлар, кондиционер
ADM Jizzakh компанияси ўзининг ижтимоий мақсади ва барқарор ривожланиш тамойилларига содиқлиги доирасида Жиззах шаҳридаги 5-ихтисослаштирилган болалар муассасаси тарбияланувчилари учун замонавий автобусни тақдим этди.
Эндиликда болаларнинг ҳар куни мактаб, маданият ва дам олиш марказлари ҳамда тиббиёт муассасаларига ташрифи янада қулай, хавфсиз ва ўз вақтида амалга оширилади.
Транспорт орқа суянчиғи созланадиган қулай ўриндиқлар, вентиляция тизими, кондиционер ва кичик ёшдаги йўловчиларнинг хавфсиз ҳаракатланиши учун зарур бўлган барча жиҳозлар билан таъминланган.
ADM Jizzakh таълим, спорт ва соғлиқни сақлаш муассасаларини қўллаб-қувватлаш орқали ҳудудда ижтимоий ташаббусларни фаол амалга оширмоқда. Автобусни топшириш – компаниянинг корпоратив ижтимоий масъулият дастури доирасидаги қадамлардан бири ҳисобланади.
"Ишончимиз комилки, болаларга ғамхўрлик қилиш Ўзбекистон келажагига киритилган сармоядир. Шу боис компания бундан буён ҳам ҳудуд учун муҳим лойиҳаларни, айниқса, ёш авлод учун шароитларни яхшилаш бўйича қўллаб-қувватлайди", – деди ADM Jizzakh заводи бош директори Данияр Давлетияров транспортни топширилишига бағишланган тантанали маросимда.
Яқин кунларда автобус йўналишлар бўйлаб мунтазам ҳаракатланишни бошлайди, бу эса болалар ва ходимлар учун қулай ва мунтазам қатновларни таъминлайди.
Реклама ҳуқуқи асосида
Изоҳ (0)