Urganch shahriga 30 dona zamonaviy avtobus olib kelindi, deb xabar bermoqda Transport vazirligi.
Qayd etilishicha, davlat rahbarining 2023-yil 16-fevraldagi qarorida belgilangan vazifalar ijrosi doirasida Urganch shahrida aholiga sifatli jamoat transporti xizmati ko‘rsatishni yo‘lga qo‘yish maqsadida zamonaviy avtobuslari olib kelinishi davom etmoqda.
Xususan, viloyatda yo‘lovchi tashish faoliyati bilan shug‘ullanuvchi “Bunyod yo‘lovchi tashish” korxonasi tomonidan Xitoyda ishlab chiqarilgan zamonaviy 30 dona Zong Tong rusumli avtobuslar keltirildi.
Korxona tomonidan “O‘zmilliybank” AJning imtiyozli kreditlari asosida qariyb 8 million dollar evaziga jami 80 dona Zong Tong rusumli avtobuslarni xarid qilindi.
Angrenga 15 ta Yutong avtobusi olib kelingandi. Zoir Mirzayev 2024-yil oktyabrida o‘tkazgan hokimlik soatida Toshkent viloyatida transport sohasidagi xizmatlarni yaxshilash uchun 1000 ta yangi avtobus xarid qilish bo‘yicha topshiriq bergandi.
Transport vazirligi matbuot xizmatining bildirishicha, hududlarda aholiga ko‘rsatilayotgan transport xizmatlari sifatini yaxshilash maqsadida zamonaviy avtobuslarni olib kelish ishlari davom etmoqda. Toshkent shahriga yana 1000 ta Yutong avtobusini olib kelish imkoniyatlari o‘rganilmoqda. Andijon viloyatiga Xitoydan 100 ta elektrobus xarid qilinishi rejalashtirilgan.
- Namanganga xorijdan yana 30 ta yangi avtobus olib kelindi.
- Guliston shahri uchun 12 ta yangi avtobus olib kelindi.
O‘zbekistonda 113 ta yangi yo‘nalish, shu jumladan 56 ta avtobus yo‘nalishi ochilgani ma’lum qilindi. 2024-yilning o‘zida hududlarda tadbirkorlar 700 ta avtobus va 530 dan ortiq mikroavtobus sotib oldi. 2025-yilning yanvar-aprel oylarida esa hududlarga yana 241 ta avtobus va 133 ta mikroavtobus olib kelindi.
Izoh (0)