Хитой компанияси Қорақалпоғистон жамоат транспорти инфратузилмасини модернизация қилишда иштирок этишни режалаштирмоқда. Бу ҳақда Қорақалпоғистон Вазирлар кенгаши хабар берди.
Маълум қилинишича, Қорақалпоғистон Вазирлар Кенгаши раиси Фарҳод Эрманов Datatek technology cо.,ltd Datatek Group компаниясининг раиси Рай Ҳунг бошчилигидаги делегацияни қабул қилди. Учрашувда томонлар экологик тоза транспорт воситаларини жорий этиш, замонавий тўлов тизимларини татбиқ этиш ва халқаро тажрибаларни маҳаллий шароитга мослаштириш борасида ўзаро фикр алмашди.
Делегация аъзолари ўзларининг замонавий технологиялар ва молиявий ресурслар асосида йирик лойиҳаларни амалга оширишга тайёр эканликларини билдирди.
Музокаралар давомида икки томонлама ҳамкорлик доирасида биринчи босқичда замонавий автобуслар хариди ва рақамли бошқарув тизимларини жорий этиш бўйича қўшма лойиҳаларни ишлаб чиқиш режалаштирилди.
Сўнгги ойларда ҳудудларга олиб келинган автобуслар
Май ойида Бухорога Хитойдан 24 дона Zhongtong автобуслари харид қилинди. Яна 12 та шундай автобус июнь якунига қадар етиб келади. Урганч шаҳрига Хитойдан 30 дона Zong Tong русумли замонавий автобус олиб келинди. Март ойида Хитойнинг Zhongtong Bus компаниясида ишлаб чиқарилган 30 та замонавий автобус Наманганга етиб келди. Ангренга 15 та Yutong автобуси олиб келинди.
Изоҳ (0)